ផ្ទុះការរិះគន់ខ្លាំង! Santa kh លេងខុសរបៀបខ្វះចំណេះដឹង ថតរូបនៅទីតាំងសេះសមុទ្របាញ់ទឹកយ៉ាងអសីលធម៌

នៅព្រឹកថ្ងៃទី ២៥ ខែមេសា ឆ្នាំ ២០២៤ នេះ មហាជនអ្នកលេងបណ្តាញសង្គមហ្វេសប៊ុកជាច្រើន កំពុងផ្ទុះការចែករំលែក និង ប្រតិកម្មយ៉ាងខ្លាំងដល់អ្នកផលិតមាតិកាមួយរូបគឺលោក Santa Kh ពាក់ព័ន្ធនឹងការបង្ហោះរូបមួយសន្លឹកលើ Story ហ្វេសប៊ុក។

រូបភាពមួយសន្លឹកនោះដែរ លោក Santa Kh បានថតនៅឯរូបសំណាកសេះសមុទ្របាញ់ទឹក នៅលើទឹកដីខេត្តកំពត ដោយបង្ហាញនូវកាយវិការមិនសមរម្យទាល់តែសោះ។ ក្នុងរូបនោះ បានធ្វើឱ្យមហាជនហួសចិត្ត និង លើកឡើងនូវមតិផ្សេងៗគ្នាជាច្រើនក្នុងន័យថា អ្នកផលិតមាតិការូបនេះហាក់លេងជ្រុល ខ្វះការពិចារណា និង គ្មានសីលធម៌ជាដើម។ ម្យ៉ាងវិញទៀត មហាជនក៏បានលើកឡើងថា នេះជាកន្លែងទេសចរណ៍មិនគួរណាលេងសើចបែបនេះឡើយ។

យ៉ាងណាមិញ ក្រោយពីរងការប្រតិកម្មបែបនេះហើយ ក៏ហាក់មិនទាន់ឃើញលោក Santa Kh ចេញមុខមកបកស្រាយរឿងខាងលើនេះនៅឡើយទេ៕