អ្នកកំដរ ដួង ម៉ានិច និង ស្វាមី យប់មិញសម្រស់ស្អាតសង្ហាមិនណយនោះទេ សុទ្ធតែស្រីស្រស់ប្រុសសង្ហា

បរិយាកាសដ៏សែនរ៉ូមែនទិកក្នុងពិធីជប់លៀងមង្គលការរបស់តារាសម្ដែង ដួង ម៉ានិច និង លោក វ៉ន លីពុទ្ធិឆាត កាលពីល្ងាចថ្ងៃទី ២២ ខែមេសា ឆ្នាំ ២០២៤ ម្សិលមិញ បានធ្វើឱ្យភ្ញៀវកិត្តិយសដែលបានទៅចូលរួមពិធីមង្គលផ្ទាល់ ក៏ដូចជាប្រិយមិត្តនៅលើបណ្ដាញសង្គម មានសេចក្ដីរំភើបចិត្តជំនួសគូស្វាមីភរិយាថ្មីមួយគូនេះជាខ្លាំង បន្ទាប់ពីបានឃើញក្ដីស្នេហ៍ដ៏ផ្អែមល្ហែមរបស់អ្នកទាំងពីរ។

ក្នុងពិធីជប់លៀងនេះ គេឃើញសិល្បករ-ការិនីជាច្រើន បាននាំគ្នាតុបតែងខ្លួនស្រស់ស្អាត សមស្របទៅ នឹងរាត្រីសមោសរដ៏រ៉ូមែនទិក ដែលមានអបទៅដោយការតុបតែងផ្កាភ្ញី ភ្លើងពណ៌ចម្រុះ និង បទភ្លេងពីរោះៗអមបរិយាកាសនៅឆ្នេរសមុទ្រទៀតនោះ ធ្វើឱ្យកម្មវិធីទាំងមូល កាន់តែពិសេសថែមមួយកម្រិតទៀត។

ក្រៅពីភាពលេចធ្លោរបស់កូនកំលោះ កូនក្រមុំ ដែលជាតួឯកក្នុងកម្មវិធី និង ភ្ញៀវកិត្តិយសចូលរួម បានតុបតែងខ្លួនស៊ីជាមួយបរិយាកាសហើយនោះ មហាជនអ្នកគាំទ្រជាច្រើន ក៏ហាក់ចាប់អារម្មណ៍ទៅលើអ្នកកំដរ កូនកំលោះ-ក្រមុំ យប់មិញ សម្រស់ស្អាតសង្ហាមិនណយនោះទេ ហើយបើងាកទៅអ្នកកំដរកូនកំលោះវិញ គឺសុទ្ធតែប្រុសស្អាតក្នុងរង្វង់សិល្បៈ មានរូបរាងខ្ពស់ស្រឡះ សង្ហាៗណាស់៕

រូបភាព៖ Image Hunter Photography