តោះមកស្គាល់ចម្រៀង វណ្ណដា ធ្លាប់សហការច្រៀងនឹងតារាបរទេសល្បីៗជាច្រើនប្រទេស

ជាការពិតណាស់ អ្នកនិយមស្តាប់ចម្រៀងរ៉េបពិតជាបានស្គាល់ច្បាស់មកហើយ ពីភាពល្បីរន្ទឺរបស់តារាចម្រៀងរ៉េប វណ្ណដា ដែលមិនត្រឹមតែទទួលបានការគាំទ្រក្នុងប្រទេសនោះទេ តែលោកក៏ល្បីសុសសាយនៅក្រៅប្រទេសផងដែរ។

តួយ៉ាង ក៏ព្រោះតែភាពល្បីល្បាញនេះផងដែរ លោក វណ្ណដា មានឱកាសបានសហការផលិតបទចម្រៀង និង ច្រៀងរួមគ្នានឹងតារាចម្រៀងរ៉េបល្បីៗក្រៅប្រទេសជាច្រើនរូបទៀតផង។

១. បទ «6 Years In The Game»

បទ «6 Years In The Game» នេះដែរ វណ្ណដា បានបកស្រាយរួមគ្នា នឹងតារាចម្រៀងរ៉េបជប៉ុន Awich ដែលបានចេញជាផ្លូវការ កាលពីខែមករា ឆ្នាំ ២០២៤។

២. បទ «Run The Town»

បទ «Run The Town» នេះដែរ បានថត MV នៅឯប្រទេសថៃ និង ចេញជាផ្លូវការកាលពីអំឡុងខែមេសា ឆ្នាំ ២០២២។ បទនេះដែរ លោក វណ្ណដា បានសហការច្រៀងរួមគ្នានឹងតារាចម្រៀងរ៉េបថៃល្បីរួមមាន F.Hero, 1Mill និង Sprite។

៣. បទ «Bong»

បទ «Bong» ក៏បានថត MV នៅឯប្រទេសថៃដែរ ដោយបទនេះ វណ្ណដា បានច្រៀងរួមគ្នានឹងតារាចម្រៀងរ៉េបថៃ OG Bobby និង បានចេញជាផ្លូវការកាលពីអំឡុងខែតុលា ឆ្នាំ ២០២២។

៤. បទ «Young Man»

បទ «Young Man» នេះដែរ វណ្ណដា ក៏បានបកស្រាយរួមគ្នានឹងតារាចម្រៀងរ៉េបថៃ OG Bobby ផងដែរ។ បទនេះ បានចេញជាផ្លូវការកាលពីអំឡុងខែ កក្កដា ឆ្នាំ ២០២២។

៥. បទ «Not Okay But Okay» feat បទ «Stickerrr»

ជាការពិត បើទោះជាបទ «Not Okay But Okay» និង បទ «Stickerrr» មិនមែនជាបទចម្រៀងផលិតថ្មីទាំងស្រុងក៏ពិតមែន ប៉ុន្តែ វណ្ណដា និង តារាចម្រៀងរ៉េបវៀតណាម Suboi បានយកបទទាំង ២ នេះមក ប្របាច់ចូលគ្នា ដោយបន្ថែមនូវសាច់ភ្លេងថ្មី ក្នុងការបង្ហាញលើឆាក Rap Việt’s Season 3 វគ្គ Grand Finale កាលពីអំឡុងកញ្ញា ឆ្នាំ 2023៕