ជូរី ល្អហួស បានជួបជាមួយអ្នកគាំទ្រ និង បានទទួលកាដូដ៏ស្រស់ស្អាត មានតម្លៃយ៉ាងខ្លាំង ព្រោះជារូបថតដែលអ្នកគាំទ្របានគូរដោយផ្ទាល់ដៃ

ក្រោយក្លាយជាម្ចាស់មកុដកម្មវិធី Miss Preteen Junior Idol World 2024 រួចមក បវរកញ្ញាវ័យក្មេង ជូរី ល្អហួស បានត្រឡប់មកកាន់កម្ពុជាវិញ គេសង្កេតឃើញថាពិតជាមមាញឹកនឹងការងារជាខ្លាំង មានទាំងការប្រគំតន្ត្រី និង ចូលរួមកម្មវិធីសង្ក្រាន្តឆ្នាំថ្មី នៅទីតាំងផ្សេងៗជាច្រើនផងដែរ។

ដោយឡែក កាលពីពេលថ្មីៗនេះ បវរកញ្ញាវ័យក្មេង ជូរី ល្អហួស បានជួបជាមួយអ្នកគាំទ្រ និង បានទទួលកាដូដ៏ស្រស់ស្អាត មានតម្លៃយ៉ាងខ្លាំង ព្រោះជារូបថតដែលអ្នកគាំទ្របានគូរដោយផ្ទាល់ដៃ ជារូបថតដែល ល្អហួស ពាក់ឈុតពេលរាំរបាំអប្សរា នៅលើឆាកអន្តរជាតិក្នុងការប្រកួតនាពេលកន្លងមក។

យ៉ាងណាមិញ នៅពេលបវរកញ្ញាវ័យក្មេង ជូរី ល្អហួស ទទួលបានកាដូដ៏មានន័យពីអ្នកគាំទ្រហើយ ក៏បានបង្ហោះរូបថតប៉ុន្មានសន្លឹកនៅលើផេកផ្ទាល់ខ្លួន ដោយភ្ជាប់ជាមួយសារមួយឃ្លាថា៖ «អប្សរាមហាអង្គរ អរគុណបងប្រុស សម្រាប់រូបគំនូរដ៏ស្រស់ស្អាត» សូម្បីតែមហាជនអ្នកគាំទ្រ ក៏រំភើបជំនួស ព្រមទាំងសរសើរចំពោះទឹកចិត្ត និង ស្នាដៃគំនូរមួយផ្ទាំងនេះដែរ៕