ជនសង្ស័យម្នាក់ ពាក់ព័ន្ធករណីលួចយកម៉ូតូ និងទូរស័ព្ទដៃ ត្រូវបានកម្លាំងអធិការដ្ឋាននគរបាលខណ្ឌបឹងកេងកង ឃាត់ខ្លួន

នៅថ្ងៃទី១៨ ខែតុលា ឆ្នាំ២០២៣ វេលាម៉ោង១៤និង៣០នាទី កម្លាំងជំនាញព្រហ្មទណ្ឌ នៃអធិការដ្ឋាននគរបាលខណ្ឌបឹងកេងកង សហការជាមួយប៉ុស្ដិ៍នគរបាលរដ្ឋបាលបឹងកេងកងទី២ ធ្វេីការឃាត់ខ្លួនជនសង្ស័យម្នាក់ ពាក់ព័ន្ធករណីលួចយកម៉ូតូ និងទូរស័ព្ទដៃ នៅចំណុចស្ដុបអូតែល.ស ផ្លូវព្រះមុន្នីវង្ស សង្កាត់ អូឬស្សី៣ ខណ្ឌ៧មករា រាជធានីភ្នំពេញ ។

ជនសង្ស័យឈ្មោះ ឆន វ៉ា ភេទប្រុស ជនជាតិខ្មែរ មានទីលំនៅមិនពិប្រាកដ មុខរបរ មិនពិតប្រាកដ (មានសារធាតុញៀន) ។

វត្ថតាងចាប់យករួមមាន៖ ម៉ូតូម៉ាកScoopy ១១០ ស៊េរី ឆ្នាំ ២០១៣ ពណ៌ស ពាក់ផ្លាកលេខ ភ្នំពេញ 1BS-8663 ទូរស័ព្ទ Iphone 13pro max ពណ៌ប្រផេះ ជារបស់ជនរងគ្រោះ , កូនសោរម៉តូ ចំនួន០៣ , កូនកន្ដ្រៃដងជ័រ ពណ៌លឿង ចំនួន០១, កាំបិតម៉ាកKiWi ដងជ័រ ពណ៌ខ្មៅ , ទួណឺវីសភ្លេីង ចំនួន០១ , ផ្លែទួណឺវីសមុខពី ចំនួន០១ , ដង្កៀបកែច្នៃចុងស្រួច ចំនួន០១ , កាបូបស្ពាយចំហៀងម៉ាកក្រពេី ពណ៌ខ្មៅ ចំនួន០១ ។

បន្ទាប់មកសមត្ថកិច្ចបានប្រគលម៉ូតូ និងទូរស័ព្ទ ខាងលើឲ្យជនរងគ្រោះវិញតាមពាក្យស្នេីសុំ ដោយបានការឯកភាពពី ព្រះរាជអាជ្ញារង សាលាដំបូងរាជធានីភ្នំពេញ។

បច្ចុប្បន្នជនសង្ស័យ រួមនិងវត្ថុតាង កំពុងឃាត់ខ្លួននៅអធិការដ្ឋាននគរបាលខណ្ឌបឹងកេងកងបណ្ដោះអាសន្ន ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវីធីច្បាប់៕