អ្នកនាង អឹម សុគន្ធា បាននិយាយប្រកាសលើឆាកហាក់កក់ទុកមុនចំពោះ ល្អហួស ប្រសិនបើជានាងគ្រប់អាយុឈានចូលវ័យ ១៨ ឆ្នាំ​ (វីដេអូ)

បើនិយាយបវរកញ្ញាវ័យក្មេងដ៏មានសក្ដានុពល ជូរី ល្អហួស ក្រោយពីបំពេញបេសកម្មតំណាងប្រទេសទទួលបានលទ្ធផលដ៏អស្ចារ្យក្លាយជា Miss Preteen Junior Idol World 2024 និង បានវិលត្រឡប់មកកម្ពុជាវិញ ពេលនេះកំពុងតែមានការមមាញឹកខ្លាំងជាមួយនឹងការងារជាច្រើន ជាពិសេសកំពុងទទួលបានការអញ្ជើញពីបណ្ដាកម្មវិធីប្រគុំតន្រ្តី កម្មវិធីសង្ក្រាន្តឆ្នាំថ្មី និង បណ្ដា Pub ផ្សេងៗ។

យ៉ាងណាមិញ ខណៈបវរកញ្ញាយុវតី ជូរី ល្អហួស បង្ហាញវត្តមានលើឆាកតន្រ្តីរបស់កម្មវិធីសង្រ្កាន្តថ្មីៗកន្លងទៅ អ្វីដែលកំពុងធ្វើឱ្យមហាជនអ្នកគាំទ្រផ្ទុះការចាប់អារម្មណ៍ខ្លាំង ក្រោយបានឃើញអ្នកគ្រប់គ្រង Miss Grand Cambodia អ្នកនាង អឹម សុគន្ធា បានជួបនឹង ល្អហួស ព្រមទាំងបាននិយាយទៅកាន់នាងបង្ហាញការស្រឡាញ់ពេញចិត្តខ្លាំងចំពោះបវរកញ្ញារូបនេះ។

លើសពីនេះ អ្នកនាង អឹម សុគន្ធា បាននិយាយប្រកាសលើឆាកហាក់កក់ទុកមុនចំពោះ ល្អហួស ប្រសិនបើជានាងគ្រប់អាយុឈានចូលវ័យ ១៨ ឆ្នាំពេលណា អ្នកនាងសង្ឃឹមថាបវរកញ្ញាយុវតីរូបនេះអាចនឹងចូលប្រកួតកម្មវិធីរបស់អ្នកនាង គឺ Miss Grand Cambodia ក្នុងឆ្នាំណាមួយទៀតផង៕

សូមទស្សនាវីដេអូខាងក្រោម៖