គ្រួសារកំពូលតារាចម្រៀងស្រីដ៏ល្បី យក់ ថិតរដ្ឋា បានទិញរថយន្តស៊េរីទំនើបតម្លៃរាប់ម៉ឺនដុល្លារចូលផ្ទះពិតមែន

កាលពីមួយរយៈមុន តារាចម្រៀង ឃុំ ប៉ុណ្ណាដែត ដែលប្រិយមិត្តបានស្គាល់រួចមកហើយថា លោកគឺជាស្វាគមន៍សំណព្វចិត្តរបស់តារាចម្រៀង យក់ ថិតរដ្ឋា បានបង្ហោះសារប្រកាសនៅលើគណនីហ្វេសប៊ុក ដោយភ្ជាប់ជាមួយរូបភាពរថយន្តទំនើបជាច្រើនសន្លឹកថា លោកនឹងទិញរថយន្តទំនើបនេះ ដើម្បីបំពេញបំណងគ្រួសារ។

រំលងមួយរយៈ ស្រាប់តែនៅថ្ងៃទី ៤ ខែមេសា ឆ្នាំ ២០២៤ គ្រួសារកំពូលតារាចម្រៀងស្រីដ៏ល្បី យក់ ថិតរដ្ឋា បានទិញរថយន្តស៊េរីទំនើបតម្លៃរាប់ម៉ឺនដុល្លារចូលផ្ទះពិតមែន។ ក្នុងនោះគេឃើញប្ដីប្រពន្ធអ្នកសិល្បៈមួយគូនេះ បានសែនព្រេនឡានថ្មីសុំសេចក្ដីសុខចម្រើន និង បានថតរូបជួបជុំគ្រួសារជាច្រើនសន្លឹក បង្ហោះនៅលើបណ្ដាញសង្គមដើម្បីស្វាគមន៍សមាជិកថ្មី។

ការខិតខំប្រឹងប្រែងចាប់ដៃគ្នារកស៊ីរបស់ប្ដីប្រពន្ធអ្នកសិល្បៈមួយគូនេះ បានចេញជាផ្លែផ្កាយ៉ាងល្អ ក្រោយពីជួបព្យុះភ្លៀងក្នុងជីវិតស្ទើរនឹកស្មានមិនដល់កាលពីពេលកន្លងទៅ។ ក្នុងនោះក៏មានមិត្តភក្ដិក្នុងចង្កោមសិល្បៈជាច្រើន បាននាំគ្នាបង្ហាញក្ដីសាទរដល់ យក់ ថិត រដ្ឋា និង ស្វាមីព្រោងព្រាត៕