លោក សុខ រ៉ាស៊ី ប៉ុន្មានឆ្នាំចុងក្រោយនេះ កាន់តែមានយីអ៊ុនឡើងស្រឺតៗ ទិញរថយន្តទំនើបរាប់ម៉ឺនដុល្លារយ៉ាងថ្មីសន្លាងសម្រាប់គ្រួសារ

ពិធីករប្រចាំទូរទស្សន៍ហង្សមាសលោក សុខ រ៉ាស៊ី ប៉ុន្មានឆ្នាំចុងក្រោយនេះ កាន់តែមានយីអ៊ុនឡើងស្រឺតៗ ដោយលោកក្ដាប់បានតំណែងជាពិធីករក្នុងកម្មវិធីធំៗនៅក្នុងដៃជាច្រើន ហើយបើងាកមកការងារខាងក្រៅវិញ ក៏តារាប្រុសរូបនេះមមាញឹកខ្លាំង ដោយថ្ងៃខ្លះរកតែពេលហូបបាយមិនបានផង។

យ៉ាងណាមិញ ទោះបីជារវល់នឹងការងារយ៉ាងណា សុខ រ៉ាស៊ី ក៏មិនភ្លេចចំណាយពេលវេលាសម្រាប់គ្រួសារ ផ្ដល់ភាពកក់ក្ដៅដល់ប្រពន្ធកូនក្នុងនាមជាមេគ្រួសារ មើលថែ ផ្ដល់ក្ដីស្រឡាញ់ ធ្វើឱ្យប្រពន្ធកូនរស់នៅក្នុងជីវិតសុខស្រួលមួយ។

ដោយឡែក ថ្មីៗនេះ អ្វីដែលកាន់តែចាប់អារម្មណ៍ពីជីវិតឯកជនរបស់ពិធីករដ៏មានប្រជាប្រិយភាពរូបនេះ ខណៈកាន់តែជោគជ័យលើការងារផ្សេងៗ ក៏បានឃើញលោកចាយជីវិតយ៉ាងអភិជនទិញរថយន្តទំនើបរាប់ម៉ឺនដុល្លារយ៉ាងថ្មីសន្លាងសម្រាប់គ្រួសាររបស់លោក។

ទន្ទឹមនឹងនោះ ឃើញថាមហាជនអ្នកគាំទ្រលើបណ្ដាញសង្គមហ្វេសប៊ុក ក៏ដូចជាអ្នកសិល្បៈជាច្រើនបានចូលរួមអបអរដល់ពិធីកររូបនេះ និង ជូនពរឱ្យលោកកាន់តែទទួលបានភាពជោគជ័យក្នុងជីវិត៕