កំពុងផ្ទុះការចាប់អារម្មណ៍! រោងពិធីមង្គលមួយ លេងពួយដាក់មេក្រូជាច្រើនគ្រាប់ជុំវិញរោង ឈ្នះអស់រោងពិធីទូទៅដទៃ

ថ្មីៗនេះ វីដេអូផ្ដិតយកទិដ្ឋភាពនៃរោងពិធីឡើងផ្ទះមួយ កំពុងផ្ទុះការចាប់អារម្មណ៍ និងចែកចាយជាខ្លាំងពេញបណ្ដាញសង្គមហ្វេសប៊ុក ដោយសារតែរោងពិធីមង្គលមួយនេះ លេងពួយដាក់មេក្រូជាច្រើនគ្រាប់ជុំវិញរោង ឈ្នះអស់រោងពិធីទូទៅដទៃ។

តាមការឱ្យដឹង រោងពិធីឡើងផ្ទះដ៏ល្បីមួយនេះ មានទីតាំងនៅស្រុកឈូក ខេត្តកំពត ដោយម្ចាស់កម្មវិធីបានរៀបចំមួយអស់ដៃ ដាក់មេក្រូជុំវិញរោងរហូតដល់ ១៨ គ្រាប់ ចាក់ភ្លេងទ្រហឹងអឺងកងផ្អើលអ្នកភូមិស្រុក។

វីដេអូនៃរោងឡើងផ្ទះរបស់អ្នកខេត្តកំពតនេះដែរ បានធ្វើឱ្យមហាជនអ្នកលេងតាមបណ្ដាញសង្គមហ្វេសប៊ុកជាច្រើននាំគ្នាចែកចាយ និង ចូលទៅបញ្ចេញមតិបែបលេងសើចព្រោងព្រាត ដោយអ្នកខ្លះលើកឡើងថា «ការកូនពៅ» ខណៈអ្នកខ្លះបានលាន់មាត់សរសើរថា «អ៊េមរបស់គេ»៕