កញ្ញា រឿន ណាត កាន់តែហឹរខ្លាំង មិនបានធ្វើឱ្យមហាជនអ្នកគាំទ្ររខកបំណង បានឃើញនាងចូលរួមកម្មវិធីប្រកួតសម្រស់លំដាប់អន្តរជាតិ Universal Woman 2024

បើនិយាយពីបវរកញ្ញាដ៏មានសក្ដានុពល រឿន ណាត មួយរយៈកន្លងទៅ ត្រូវបានមហាជនអ្នកគាំទ្រចាប់អារម្មណ៍ថានាងហាក់ស្ងប់ស្ងាត់ខ្លាំង មិនសូវឃើញបង្ហាញវត្តមានលើឆាកបវរកញ្ញា ក៏ដូចជាចូលរួមកម្មវិធីផ្សេងៗ និង បង្ហាញសម្រស់លើបណ្ដាញសង្គមដូចមុនឡើយ។

យ៉ាងណាមិញ ក្រោយស្ងប់ស្ងាត់មួយរយៈ ក៏បានឃើញវត្តមានរបស់បវរកញ្ញារូបនេះ លេចមុខជាថ្មី ប៉ុន្តែក្នុងវិស័យភាពយន្តវិញ គឺបានសម្ដែងក្នុងភាពយន្តខ្មែរខ្នាតធំមួយគឺរឿង «អ្នកម្ដាយ Zombie» ក្ដាប់តំណែងជាតួអង្គឯក ដើរតួអង្គជាអ្នកម្ដាយ លះបង់គ្រប់យ៉ាងដើម្បីកូន ដោយកំពុងតែត្រៀមចាក់បញ្ចាំងនាពេលឆាប់ៗខាងមុខនេះ។

ដោយឡែក ចំពោះឆាកបវរកញ្ញាវិញ ថ្មីៗនេះ កញ្ញា រឿន ណាត ក៏មិនបានធ្វើឱ្យមហាជនអ្នកគាំទ្ររបស់នាងខកបំណងដែរ ខណៈអាកខានបង្ហាញវត្តមានយូរមែន ប៉ុន្តែបវរកញ្ញារូបនេះនៅតែហឹរខ្លាំងដដែល ចំពោះស្ទីលតែងខ្លួនរបស់នាង ដោយបានឃើញនាងចូលរួមកម្មវិធីប្រកួតសម្រស់លំដាប់អន្តរជាតិ Universal Woman 2024 ក្នុងនាមជាគណៈកម្មការយប់មិញនេះ៕