តារាចម្រៀងប្រុស នីកូ និង ស្រីស្អាត ស៊ីន ជេននី ធ្វើឱ្យមហាជនអ្នកគាំទ្រកាន់តែចាប់អារម្មណ៍ ស្លៀកឈុតកូនកំលោះក្រមុំថត MV ថ្មី កាន់តែសមគ្នា

ចំពោះទំនាក់ទំនងរវាងតារាសម្ដែងពន្លកថ្មី ស៊ីន ជេននី និង តារាចម្រៀងប្រុស នីកូ មួយរយៈចុងក្រោយនេះត្រូវបានមហាជនអ្នកគាំទ្រចាប់អារម្មណ៍ខ្លាំងចំពោះអ្នកទាំងពីរ ក្រោយពីបានឃើញសកម្មភាពរួមការងារជាមួយគ្នា និង បង្ហាញរូបភាពថតជាគូជាមួយគ្នាជាច្រើនសន្លឹកសុទ្ធសឹងស្អាតៗគួរឱ្យស្រឡាញ់ និង មើលទៅអ្នកទាំងពីរក្លាយជាដៃគូសម្ដែងយ៉ាងស័ក្តិសម។

ម្យ៉ាងវិញទៀត ជាមួយនឹងរូបភាព ក៏ដូចជាសកម្មភាពរួមការងារសម្ដែងជាមួយគ្នាកន្លងមក តែងឆក់បានការចាប់អារម្មណ៍គាំទ្រ និងសរសើរខ្លាំងពីមហាជនចំពោះដៃគូសម្ដែងដ៏ស័ក្តិសនេះ ទាំងរូបសម្រស់ស្អាតៗ និង មានទេពកោសល្យសម្ដែងបានយ៉ាងប៉ិនប្រសប់ ថែមទាំងអ្នកទាំងពីរគួរឱ្យស្រឡាញ់សមគ្នាខ្លាំងរហូតធ្វើឱ្យអ្នកគាំទ្រធ្លាប់ផ្គូផ្គង់ចង់ឱ្យក្លាយជាគូស្នេហ៍ក្រៅឆាកទៀតផង។

ដោយឡែក ថ្មីៗនេះ តារាចម្រៀងប្រុស នីកូ និង ស្រីស្អាត ស៊ីន ជេននី ធ្វើឱ្យមហាជនអ្នកគាំទ្រកាន់តែចាប់អារម្មណ៍ខ្លាំង ខណៈបានឃើញអ្នកទាំងពីរបង្ហាញសកម្មភាពថត MV ថ្មី ជាមួយគ្នា ដោយបញ្ចេញរូបភាពប៉ុន្មានសន្លឹកក្នុងឈុតកូនក្រមុំកូនកំលោះយ៉ាងស្រស់ស្អាត ដែលរូបភាពនេះត្រូវបានអ្នកគាំទ្រកំពុងសរសើរថាអ្នកទាំងពីរស័ក្តិសមគ្នាខ្លាំង៕