ក្មេងស្ទាវមួយក្រុម ស្ទាក់វាយបណ្ដាលឱ្យមួយក្រុមទៀត ជិះម៉ូតូទៅបុកដើមឈើ ស្លាប់២នាក់

ត្បូងឃ្មុំ ៖ ក្មេងស្ទាវមួយក្រុមស្ទាក់វាយបណ្ដាលឱ្យមួយក្រុមទៀតជិះម៉ូតូទៅបុកដើមឈើ ស្លាប់២នាក់ ក្រោយពេលបញ្ជូនទៅមន្ទីរពេទ្យ ហេតុការណ៍នេះបានកើតឡើងកាលពីយប់ថ្ងៃទី១៤ ខែតុលា ឆ្នាំ២០២៣ ស្ថិតនៅវត្តទួលព្រះពន្លា ឃុំកណ្ដោកជ្រុំ ស្រុកពញាក្រែក ខេត្តត្បូងឃ្មុំ។

ប្រភពពីកន្លែងកើតហេតុបានឲ្យដឹងថាជនរងគ្រោះដែលស្លាប់បាត់បង់អាយុជីវិត ទី១ឈ្មោះ រ៉េត ម៉េងហុង ស្លាប់ ស្ថិតនៅ ភូមិជួរ ឃុំជាច ស្រុកកំចាយមារ ខេត្តព្រៃវែង។

ជនរងគ្រោះទី២ ឈ្មោះ វិចិត្រ គង់នៅ ស្លាប់ ស្ថិតនៅ ភូមិលាក់គោ ឃុំជាច ស្រុកកំចាយមារ ខេត្តព្រៃវែង ចំណែកជនរងគ្រោះទី៣ កំពុងសម្រាកព្យាបាលនៅឯមន្ទីរពេទ្យ។

សមត្ថកិច្ចនគរបាលខេត្តត្បូងឃ្មុំ កំពុងធ្វើការស្រាវជ្រាវរកជនដៃដល់ ចំណែកឯសាកសពក្រុមគ្រួសារយកទៅធ្វើបុណ្យតាមប្រពៃណី ៕