ខាវ័ន្ត និង វ៉ា មិនត្រឹមតែជាតួសម្តែងដ៏សកម្មក្នុងរឿង «ដូរប្រពន្ធ»ក៏ជាអ្នកដឹកនាំរឿងនេះដោយផ្ទាល់ដែរ

ថ្មីៗនេះ មហាជនសង្កេតឃើញថា រឿង «ដូរប្រពន្ធ» ហាក់កំពុងតែផ្ទុះការគាំទ្រ និង មានប្រជាប្រិយភាពខ្លាំងណាស់លើបណ្តាញសង្គមហ្វេសប៊ុក និង Tik Tok តាមរយៈសាច់រឿង និង ស្នាដៃសម្តែងរបស់តួអង្គម្នាក់ៗនៅក្នុងរឿងនោះ។

សម្រាប់ខ្សែភាពយន្តភាគខ្មែរនេះដែរ មិនត្រឹមតែទទួលបានការគាំទ្រខ្លាំង និង ទទួលបានការកោតសរសើរពីការដឹក​នាំផលិតនោះទេ តែបើងាកមកមើលចំនួនអ្នកចូលទស្សនារឿង «ដូរប្រពន្ធ» នេះវិញ ក៏មិនធម្មតាដូចគ្នា ពោលគឺ ត្រឹមរយៈពេលដ៏ខ្លីតែប៉ុណ្ណោះមានអ្នកទស្សនារហូតរាប់លាននាក់។

ខណៈរឿងកំពុងតែល្បី បើងាកមកមើលផលិតករ ឬអ្នកដឹកនាំរឿងនេះវិញជឿថា មហាជនក៏ចង់ស្គាល់ដូចគ្នា។ បើនិយាយឱ្យខ្លីទៅ អ្នកដឹកនាំសម្ដែងរឿងភាគខ្លីនេះ មិនមែនជាអ្នកណាឆ្ងាយទេ ពោលគឺជាស្នាដៃដឹកនាំដោយ ខាវ័ន្ត និង វ៉ា ដែលអ្នកទាំងពីរមិនត្រឹមតែជាតួសម្តែងដ៏សកម្មក្នុងរឿង «ដូរប្រពន្ធ» ដែលកំពុងតែទទួលបានការចាប់អារម្មណ៍ឡើយ តែ ខាវ័ន្ត និង វ៉ា ក៏ជាអ្នកដឹកនាំរឿងនេះដោយផ្ទាល់ដែរ។ ទេពកោសល្យដ៏ប៉ិនប្រសប់របស់អ្នកទាំងពីរ កំពុងទទួលបានការកោតសរសើរមិនស្ទើរទេ ពីសំណាក់ទស្សនិកជន៕