រយៈពេល ៣ ថ្ងៃ បទ «ផ្កាស្លា» ស្ថិតនៅលេខរៀងទី ២ លើ Youtube បន្ទាប់ពីបទ «បណ្តូលពេជ្រ» ដែលស្ថិតនៅលំដាប់ថ្នាក់លេខ ១
មហាជនអ្នកគាំទ្រក្រុមចម្រៀង La Cima Cartel ច្បាស់ជាបានជ្រាបហើយថា កាលពីថ្ងៃទី ១៤ ខែកុម្ភៈឆ្នាំ ២០២៤ កន្លងទៅ លោក Meezy24k បានចាប់ដៃគ្នាបញ្ចេញបទចម្រៀងចំណងជើង «បណ្តូលពេជ្រ» ជាមួយនឹងលោក ណូលី ដើម្បីអបអរថ្ងៃនៃក្តីស្រឡាញ់។ ក្នុងនោះ បើគិតមកទល់ពេលនេះរយៈពេល ៣ សប្តាហ៍មកហើយ ដែលបទចម្រៀងខាងលើជាប់ចំណាត់ថ្នាក់លេខ ១ នៅលើ Youtube។
ដោយឡែក កាលពីថ្ងៃទី ០៨ ខែមីនា ឆ្នាំ ២០២៤ សមាជិកក្រុម La Cima Cartel ២ រូបទៀត គឺលោក Rakhie និង លោក All3rgy ក៏បានចេញចម្រៀងមួយបទមានចំណងជើងថា «ផ្កាស្លា» ដើម្បីអបអរបុណ្យទិវាអន្តរជាតិនារី លើកទី ១១៣។
អ្វីដែលកាន់តែពិសេស ចម្រៀងថ្មីរបស់ Rakhie និង All3rgy រួមគ្នាលើកនេះ ពិតជាមានអត្ថន័យផ្អែមល្ហែមខ្លាំង រហូតទទួលបានការគាំទ្រយ៉ាងច្រើនពីសំណាក់មហាជន ដោយគិតត្រឹមថ្ងៃទី ១១ ខែមីនា ឆ្នាំ ២០២៤ ពោលគឺរយៈពេល ៣ ថ្ងៃ បទ «ផ្កាស្លា» ស្ថិតនៅលេខរៀងទី ២ លើ Youtube បន្ទាប់ពីបទ «បណ្តូលពេជ្រ» ដែលស្ថិតនៅលំដាប់ថ្នាក់លេខ ១៕
