បុរសម្នាក់ រួមដំណើរជាមួយនិងនារីម្នាក់ បើករថយន្ត ពាក់ស្លាកលេខខេមរះភូមិន្ទមួយគ្រឿង ក្នុងល្បឿនលឿន រេចង្កូតទៅបុករបាំងថ្មពុះចែកទ្រូងផ្លូវ

ភ្នំពេញ៖ កាលពី យប់ថ្ងៃទី០១ខែមិនា ឆ្នាំ២០២៤ លើផ្លូវ២៨៩ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។ មុនពេលកើតហេតុគេឃើញរថយន្តស៊េរីទំនើបម៉ាក rangroverពណ៌សមួយគ្រឿងពាក់ស្លាកលេខ ខេមរះភូមិន្ទ 2.8247 បើកបរដោយបុរសម្នាក់រួមដំណើរជាមួយនារីម្នាក់ទៀតធ្វើដំណើរតាមបណ្តោយផ្លូវ២៨៩ ទិសដៅពីត្បូងមកជើងក្នុងល្បឿនលឿន ខណះពេលបើកមកដល់ចំណុចកើតហេតុនៅនិងស្តុបច្រកចូលផ្សារទួលគោក ស្រាប់តែរេចង្កូតជ្រុលទៅបុករបាំងថ្មពុះចែកទ្រូងផ្លូវពេញទំហឹងបណ្តាលរបាំងថ្មខូចខាតតិចតួច ចំណែករថយន្តបង្កវិញបានបាក់ការឡេកង់មុខចំហៀងខាងឆ្វេងទៅនុខលែងរួចខូចខាតយ៉ាងដំណំ។ រីឯម្ចាស់រថយន្តបង្កបានដោះស្លាកលេខចេញពីរថយន្តហើយគេចពីកន្លែងកើតហេតុបាត់ស្រមោល។

សមត្ថកិច្ចមូលដ្ឋានប៉ុស្តិ៍ នគបាលបឹងកក់ទី២បានចុះទៅដល់ពិនិត្យជុំវិញទីតាំងកើតហេតុរួចក៏បានទំនាក់ទំនងទៅមន្ត្រីជំនាញចរាចរណ៍ក្រុងបន្តដើម្បីចុះមកវាស់វែងនិងធ្វើកំណត់ហេតុយករថយន្តបង្កខាងលើទៅរក្សាទុកនៅខាងការិយាល័យចរាចរណ៍ជំនាញផ្លូវគោក នៃស្នងការដ្ឋាននគរបាលរាជធានីភ្នំពេញរង់ចាំឲ្យភាគីម្ចាស់រថយន្តចូលខ្លួនធ្វើការដោះស្រាយគ្នានៅពេលក្រោយ៕