ភ្ញាក់ផ្អើល! ស្ត្រីម្នាក់កំពុងឈប់ស្តុបកណ្ដាលក្រុង មានជនមិនស្គាល់មុខ យកដុំថ្មគប់កញ្ចក់ឡានខ្ទេច

ជារឿងដ៏គួរឱ្យភ្ញាក់ផ្អើល ស្ត្រីម្នាក់ បានទម្លាយរឿងរ៉ាវដែលខ្លួនបានជួបប្រទះ កំឡុងពេលកំពុងបើកបរលើដងវិថីក្នុងរាជធានីភ្នំពេញ ដែលមានជនមិនស្គាល់មុខ បានគប់កញ្ចក់រថយន្តរបស់ខ្លួន បណ្ដាលឱ្យខូចខាត។

ទាក់ទិនទៅនឹងរឿងនេះ ម្ចាស់គណនីដែលមានឈ្មោះ Je Leang បានបង្ហោះនៅថ្ងៃទី ១៧ ខែកុម្ភៈ ឆ្នាំ ២០២៤ បានឱ្យដឹងបែបនេះ ៖ «ខ្ញុំមានការគាំងជាខ្លាំង ដោយសារអាក្មេងពាល មិនស្គាល់មុខ គប់រត់ កណ្តាលក្រុងតែម្តង ពេលកំពុងឈប់ស្តុប»។

នេះជាសាសម្រាប់បងប្អូនអ្នកបើកបរលើដងវិថី គប្បីបន្ថែមការប្រុងប្រយ័ត្នចៀសវាងជួបហេតុការណ៍បែបនេះ ហើយក៏សង្ឃឹមថានឹងមានការអន្តរាគមន៍ និងបកស្រាយជាក់លាក់ចំពោះករណីមួយនេះផងដែរ៕