បុរសនិងនារី២នាក់ជិះម៉ូតូ ឌុបគ្នាលឿនឆ្លងគន្លងផ្លូវជ្រុលទៅបុកម៉ូតូscoopyបណ្តាលឲ្យនិស្សិតឆ្នាំទី៥រៀនផ្នែកវិស្វករម្នាក់ស្លាប់និងភាគីម្ខាងទៀតរងរបួសសធ្ងន់ទាំងពីនាក់

រាជធានីភ្នំពេញ៖ បុរសជានិស្សិតឆ្នាំទី៥ម្នាក់ចេញពីផ្ទះបងប្អូនជិះម៉ូតូម៉ាកscoopy ត្រឡប់ទៅផ្ទះវិញត្រូវម៉ូតូមួយគ្រឿងទៀតម៉ាកនិចជិះឌុបគ្នាពីរនាក់លឿនឆ្លងគន្លងផ្លូវជ្រុលទៅបុកចំពីមុខយ៉ាងពេញទំហឹងបណ្តាលឲ្យដួលស្លាប់ក្បែម៉ូតូ ចំណែកភាគីម្ចាស់ម៉ូតូនិចរងរបួសធ្ងន់ដឹកទៅសង្រ្គោះបន្ទាន់ភ្លាមៗផងដែរ។

ហេតុការណ៍គ្រោះថ្នាក់ចរាចរណ៍ខាងលើនេះដែរបង្កឲ្យមានការភ្ជាប់ផ្អើលកាលពីវេលាម៉ោង ១២និង៣០នាទីរំលងអាធ្រាតឈានចូលថ្ងៃទី ១១ខែតុលាឆ្នាំ២០២៣ស្ថិតនៅតាមបណ្ដោយផ្លូវ ៣៧១ក្នុងសង្កាត់ដង្កោរ ខណ្ឌដង្កោរ រាជធានីភ្នំពេញ។

សពជនរងគ្រោះ មានឈ្មោះ សយ ប៉េងឆៃ ភេទប្រុស អាយុ២៣ឆ្នាំជានិស្សិតឆ្នាំទី៥ផ្នែកវិស្វករបច្ចុប្បន្នស្នាក់នៅបន្ទប់ជួលជិតជាមួយសង្សារជិតវត្តតំបូកខ្ពស់ក្នុងខណ្ឌមានជ័យ មានស្រុកកំណើរ នៅភូមិយថ្ការ ឃុំដូង ស្រុកបាទី ខេត្តតាកែវ។

បើយោងតាមការបញ្ជាក់ពីកន្លែងកើតហេតុបានប្រាប់ឲ្យដឹងថា នៅមុនពេលកើតហេតុគេឃើញ បុរសម្នាក់និងនារីម្នាក់ទៀតជិះម៉ូតូម៉ាក SUZAKINEXមួយគ្រឿងពាក់ផ្លាកលេខ ភ្នំពេញ1CC- 1106ជិះឌុបគ្នាតាមបណ្តោយផ្លូវ៣៧១ ក្នុងទិសដៅពីត្បូងទៅជើងក្នុងល្បឿនលឿនលុះជិះមកដល់ចំណុចកើតហេតុខាងលើ បម្រុងនិងជិះវ៉ាជែងរថយន្តមួយគ្រឿងនៅពីមុខក៍ឆ្លងចូលគន្លងផ្លូវ ជ្រុលទៅបុកម៉ូតូម៉ាកហុងដាscoopyពណ៌សមួយគ្រឿងពាក់ផ្លាកលេខ ភ្នំពេញ 1JN-4408ជិះដោយបុរសរងគ្រោះម្នាក់ធ្វើដំណើរផ្លូវត្រង់តាមបណ្តោយផ្លូវ៣៧១ក្នុងទិសដៅបញ្រ្ចាស់គ្នាពីជើងមកត្បូងក្នុងល្បឿនបុកចំពីមុខយ៉ាងពេញទំហឹងបណ្តាលឲ្យបុរសជាម្ចាស់ម៉ូតូscoopsដួលបោកក្បាលស្លាប់ក្បែម៉ូតូ ចំណែកភាគីម៉ូតូម្ខាងទៀតបានរងរបួសធ្ងន់ត្រូវបានរថយន្តសមុយនៃមន្ទីរពេទ្យឯកជនមួយកន្លែងដឹកទៅសង្គ្រោះបន្ទាន់ភ្លាមៗ។ ពេលនោះដែរពលរដ្ឋជិតខាងក៏បានទាក់ទងទៅមន្ត្រីសមត្ថកិច្ចមូលដ្ឋានឲ្យចុះមកដល់ទីតាំងកើតហេតុផងដែរ។

ក្រោយពីមន្ត្រីសមត្ថកិច្ចមូលដ្ឋានចុះមកដល់ពិនិត្យជុំវិញទីតាំងរួចក៏បានទាក់ទងទៅជំនាញចរាចរណ៍ឲ្យចុះមកវាស់វែងនិងធ្វើកំណត់ហេតុយកម៉ូតូទាំងពីរគ្រឿងទៅរក្សាទុកនៅអធិការដ្ឋាននគរបាលខណ្ឌដឹងកោរ។រង់ចាំឲ្យភាគីសងខាងដោះស្រាយគ្នានៅពេលក្រោយ បន្ទាប់មកធ្វើកំណត់ហេតុប្រគល់សពឱ្យទៅក្រុមគ្រួសារយកទៅស្រុកកំណើតធ្វើបុណ្យតាមប្រពៃណី៕