សុវត្ថិឌី ធារីកា និង ស្វាមី ក្នុងថ្ងៃសិរីមង្គល ពិតជាស្រស់ស្អាត និង ស័ក្តិសមគ្នាខ្លាំងណាស់

នៅថ្ងៃទី ២៦ ខែមករា ​ឆ្នាំ ២០២៤ នេះ ជាថ្ងៃវេលាដ៏ល្អសម្រាប់តារាចម្រៀង សុវត្ថិឌី ធារីកា និង លោក ពូ សុផានិត បានដឹកដៃគ្នាចូលរោងការតាមប្រពៃណី ក្រោយពីបានភ្ជាប់ពាក្យនឹងគ្នាអស់រយៈពេលជាង ១ ឆ្នាំ។

ក្នុងថ្ងៃសិរីមង្គលរបស់កញ្ញា សុវត្ថិឌី ធារីកា នេះដែរ បើក្រឡេកមើលទៅទាំងកូនក្រមុំ កូនកំលោះ ពិតជាស្រស់ស្អាត និង ស័ក្តិសមគ្នាខ្លាំងណាស់ ដោយគូស្វាមីភរិយាថ្មីមួយគូនេះ ពោរពេញទៅដោយស្នាមញញឹម មានសុភមង្គលនៅក្នុងថ្ងៃដ៏មានសិរីសួស្តីនេះ។

អ្វីដែលកាន់តែចាប់អារម្មណ៍ទៀតនោះ ក្នុងពិធីហែជំនូនពេលព្រឹកនេះដែរ ក៏ឃើញមានការជូនពរអបអរសាទរដល់កូនក្រមុំ កូនកំលោះច្រើនកុះករផងដែរ៕