តារាចម្រៀង ថុល សុភិទិ ស្រឡាញ់គូស្នេហ៍ខ្លាំងលះបង់ឆ្អឹងត្រចៀក ឱ្យ នីននីន ធ្វើខ្ទង់ច្រមុះបង្កើនសម្រស់

បើគិតមកដល់ពេលនេះ រយៈពេលប្រមាណជាង ១ ឆ្នាំមកហើយ ដែលតារាចម្រៀង ថុល សុភិទិ បានបើកបង្ហាញចំណងស្នេហ៍នឹងអ្នកលក់អនឡាញដ៏ល្បីស្រីស្អាត ម៉ានីន។ ក្រោយពីបង្ហាញពីទំនាក់ទំនងមិនលាក់លៀម មហាជនក៏បានសង្កេតឃើញថា គូស្នេហ៍មួយគូនេះកាន់តែស្រឡាញ់ផ្អែមល្ហែម និង រស់នៅក្នុងដំបូលផ្ទះតែមួយថែមទៀតផង។

លើសពីនោះ ក្រឡេកទៅមើលសកម្មភាពរស់នៅប្រចាំថ្ងៃរបស់លោក ថុល សុភិទិ និង អ្នកនាង ម៉ានីន ហាក់ត្រូវបានមហាជនលួចចិត្តច្រណែនមិនតិចនោះដែរ ក៏ព្រោះតែគូស្នេហ៍គូនេះ រមែងបង្ហាញពីការយកចិត្តទុកដាក់ និង ការលះបង់ឱ្យគ្នាគ្រប់យ៉ាង មិនថាពេលវេលា ក្តីស្រឡាញ់ និង ភាពស្មោះត្រង់។

យ៉ាងណាមិញ ថ្មីៗនេះ អ្នកគាំទ្រចាប់អារម្មណ៍ខ្លាំងទៀតហើយ ក្រោយបានឃើញអ្នកនាង ម៉ានីន បានបង្ហោះរូបភាពក្រោយវះកាត់ខ្ទង់ច្រមុះថ្មី ដោយយកឆ្អឹងត្រចៀកលោក ថុល សុភិទិ ទៅដាក់។ ក្នុងនោះ មហាជនហាក់សរសើរលោក ភិទិ កាន់តែខ្លាំង ថាហ៊ានលះបង់ដល់ថ្នាក់នេះ ដើម្បីមនុស្សជាទីស្រឡាញ់៕