កញ្ញា អ៊ិន លក្ខិណា ប្រកួត Miss Grand Cambodia ២ លើកមិនបានមកុដចង់ប្រកួតដណ្ដើមមកុដឆ្នាំ ២០២៤ ម្តងទៀត

ប្រិយមិត្តបានដឹងរួចហើយ កញ្ញា អ៊ិន លក្ខិណា ជាបវរកញ្ញមួយរូបដែលមានភាពលេចធ្លោគួរឱ្យកត់សម្គាល់ក្នុងវិស័យបវរកញ្ញាខ្មែរ ដោយនាងមានបទពិសោធក្នុងការប្រកួតជាច្រើនឆ្នាំមកហើយ តែមិនធ្លាប់ទទួលបានមកុដឯកពីកម្មវិធីឡើយ ដោយបានត្រឹមជ័យលាភីរងប៉ុណ្ណោះ។ គេចាំបានថា នៅឆ្នាំ ២០២១ នាងចូលប្រកួត Miss Grand Cambodia 2021 ទទួលបានលំដាប់រងទី ១។

ដោយឡែក កាលពីឆ្នាំ ២០២៣ កន្លងទៅ ស្រីស្រស់សម្បុរស្រអែម អ៊ិន លក្ខិណា បានចូលរួមប្រកួតកម្មវិធីប្រកួតសម្រស់ដដែល ដោយទទួលបានលំដាប់រងទី ២ ។ ក្នុងនោះ ហាក់មិនអស់ចិត្តចំពោះលទ្ធផលដែលទទួលបាន នៅឆ្នាំ ២០២៤ នេះទៀត ស្រីស្អាត អ៊ិន លក្ខិណា មានបំណងចង់វិលមកត្រឡប់ចូលឆាក Miss Grand Cambodia ម្តងទៀត។

បើតាមការបង្ហោះរបស់កញ្ញា អ៊ិន លក្ខិណា តាមរយៈ Story កាលពីពេលកន្លងទៅបានសរសេរថា ៖ «អ្នកទាំងអស់គ្នា Miss Grand Cambodia 2023 កំពុងតែស្នើសុំ Mommy Sokunthea Imm ចូលរួមប្រកួតម្តងទៀត ឥលូវនេះកំពុងស្ថិតនៅក្នុងការពិចារណា ចាំមើលថា Mommy បើកឱកាសឱ្យពួកខ្ញុំត្រឡប់មកវិញឬយ៉ាងណា»៕