ទិដ្ឋភាពសមសម្រាប់ថ្ងៃរៀបអភិសេកព្រះអង្គម្ចាស់ប្រុយណេ ប្លែកទាក់ភ្នែកណាស់ (វីដេអូ)

គិតត្រឹមថ្ងៃទី ០៩ ខែមករា ឆ្នាំ ២០២៤ នេះ រយៈពេល ៣ ថ្ងៃហើយ ដែលព្រះរាជបុត្រប្រទេសប្រុយណេ Abdul Mateen បានរៀបអភិសេក ដោយពិធីដ៏ធំដុំមួយនេះ ហាក់មិនមានព័ត៌មានលេចធ្លាយនូវកម្រងរូបភាព ឬ ទិដ្ឋភាពណាមួយនៅឡើយទេ។

យ៉ាងណាមិញ ថ្មីៗនេះ សារព័ត៌មានក្នុងស្រុកមួយឈ្មោះថា Borneo Bulletin បានធ្វើការបង្ហោះវីដេអូ នៃការសមលើកចុងក្រោយសម្រាប់ពិធីរៀបអភិសេករបស់ព្រះអង្គ Abdul Mateen ជាមួយនឹងកូនក្រមុំរូបស្រស់ ដោយវីដេអូមួយនោះ បានធ្វើការបង្ហោះលើបណ្ដាញសង្គម TikTok មានការចូលមើល និង ចែកចាយបន្តច្រើនគួរសម។

តាមរយៈវីដេអូនោះដែរ បានបង្ហាញឱ្យឃើញពីការតុបតែង ការរៀបចំកៅអី នៅទីតាំងនៃព្រះរាជពិធីរួចរាល់ជាស្ថាពរ។ ជាមួយគ្នានោះ ក៏មានការហាត់សមសម្រាប់កម្មវិធីព្យុហយាត្រា ដែលនឹងធ្វើឡើងជុំវិញក្រុងផងដែរ មើលទៅអធិកអធម និង ទាក់ទាញជាខ្លាំង៕ ទស្សនាវីដេអូនៅទីនេះ