កក្កដា សុភ័ណ្ឌ ប្រកាសថានឹងវិលត្រឡប់ចូលប្រកួតកម្មវិធី Miss Queen Cambodia ម្តងទៀតនៅឆ្នាំ ២០២៤ នេះ

ប្រិយមិត្តបានដឹងហើយ កក្កដា សុភ័ណ្ឌ បានចូលរួមប្រកួតកម្មវិធីបវរកញ្ញាភេទទី ៣ ឬ Miss Queen Cambodia 2023 ម្តងរួចមកហើយ ដោយកាលនោះនាងទទួលបាន Top 8 នាក់ចុងក្រោយនៃកម្មវិធី។ ជាមួយនឹងទទួលបានតំណែង Top 8 កក្កដា សុភ័ណ្ឌ ពិតជារំភើបចិត្តខ្លាំងណាស់ ដោយនាងពេញចិត្តនូវសមិទ្ធផលរបស់នាងយ៉ាងខ្លាំង។

ដោយឡែក កាលពីនៅឆ្នាំចុងឆ្នាំ ២០២៣ កន្លងទៅនេះ កក្កដា សុភ័ណ្ឌ ស្រាប់តែធ្វើឱ្យមហាជនភ្ញាក់ផ្អើលសាជាថ្មី ដោយនាងបានបង្ហោះរូបភាពពាក់មកុដ ព្រមទាំងកាន់បាច់ផ្កា ហើយប្រកាសថានាងនឹងវិលត្រឡប់ចូលប្រកួតកម្មវិធី Miss Queen Cambodia ម្តងទៀតនៅឆ្នាំ ២០២៤ នេះ ដែលតំណាងឱ្យខេត្តបន្ទាយមានជ័យ។

ទន្ទឹមនឹងការវិលត្រឡប់មកលើកនេះ កក្កដា សុភ័ណ្ឌ ពិតជាមានក្តីរំពឹងខ្ពស់ខ្លាំងណាស់ ព្រោះថាបន្ទាប់ពីចប់ការប្រកួតលើកដំបូងទៅនាងបានទៅលត់ដំ និង ដុសខាត់ខ្លួនឯងទាំងការដើរ ទាំងការថែរក្សារូបសម្រស់។ ក្នុងនោះ នាងបានបង្ហាញក្តីរំពឹងថានាងនឹងអាចយក Top 5 ត្រឡប់ទៅវិញជាក់ជាពុំខាន៕