ឃាតកម្ម! បុរសម្នាក់ យកពូថៅកាប់ទៅលើជនរងគ្រោះត្រង់ ក បណ្តាលអោយស្លា-ប់ភ្លាមៗ នៅនឹងកន្លែង ជនសង្ស័យនិងជនរងគ្រោះត្រូវជាបងប្អូនថ្លៃនិងគ្នា (សាច់ថ្លៃដូចគ្នា)

តាកែវ ៖ ករណីឃាតកម្ម មួយកើតឡើងនៅព្រលប់ ថ្ងៃទី០៦ ខែតុលា ឆ្នាំ២០២៣ ស្ថិតនៅភូមិមានជោគ ឃុំក្រាំងលាវ ស្រុកបាទី ខេត្តតាកែវ បង្កឡើងដោយជនសង្ស័យឈ្មោះ ម៉ៅ ហុងឡាយ ភេទប្រុស អាយុ៣៥ឆ្នាំ មុខរបកសិករ រស់នៅភូមិឃុំកើតហេតុខាងលើ មានស្រុកកំណើតនៅភូមិស្វាយទងឃុំខ្វាវ ស្រុកសំរោង ខេត្តតាកែវ ។

ប្រភពព័ត៌មានបានបញ្ជាក់ថា បុរសម្នាក់ បានធ្វើសកម្មភាពយកពូថៅកាប់ទៅលើជនរងគ្រោះត្រង់ករ បណ្តាលអោយស្លាប់ភ្លាមៗ នៅនិងកន្លែង។

ជនរងគ្រោះឈ្មោះ នៅ វ៉ាង ភេទប្រុស អាយុ២៩ឆ្នាំ មុខរបរកសិករ មានទីលំភូមិឃុំកើតហេតុខាងលើមានស្រុកកំនើតនៅភូមិត្រពាំងវិហារ ឃុំជើងគួន ស្រុកសំរោងខេត្តតាកែវ ជនសង្ស័យនិងជនរងគ្រោះត្រូវជាបងប្អូនថ្លៃនិងគ្នា (សាច់ថ្លៃដូចគ្នា) ។

មូលហេតុផ្តើមចេញពីទំនាស់ពាក្យសំដីនិងគ្នារឿងយកខ្សែភ្លើង ។
ជនសង្ស័យត្រូវបានកំលាំងប៉ុស្តិ៍នគរបាលឃាត់ខ្លួនបានភ្លាមៗ ក្រោយពេលកើតហេតុនិងត្រូវបានបញ្ជូនខ្លួនទៅកាន់អធិការដ្ឋាននគបាលស្រុកបាទីដើម្បីចាត់ការទៅតាមនិតិវិធីច្បាប់៕