ស្ងាត់ៗ! ស្រីស្អាត ម៉ានីន គូស្នេហ៍តារាចម្រៀង ថុល សុភិទិ បង្ហោះរូបតេស្តបញ្ជាក់ថាកំពុងពពោះ

បើគិតមកដល់ពេលនេះ រយៈពេលប្រមាណជាង ១ ឆ្នាំមកហើយ ដែលតារាចម្រៀង ថុល សុភិទិ បានបើកបង្ហាញចំណងស្នេហ៍នឹងអ្នកលក់អនឡាញដ៏ល្បីស្រីស្អាត ម៉ានីន។ ក្រោយពីបង្ហាញពីទំនាក់ទំនងមិនលាក់លៀម មហាជនក៏បានសង្កេតឃើញថាគូស្នេហ៍មួយគូនេះកាន់តែស្រឡាញ់ផ្អែមល្ហែម និង រស់នៅក្នុងដំបូលផ្ទះតែមួយថែមទៀតផង។

យ៉ាងណាមិញ មួយរយៈមុនអាយដលរូបសង្ហា ថុល សុភិទិ និង គូស្នេហ៍រូបស្រស់នេះ ក៏បានធ្វើឱ្យមហាជនអ្នកគាំទ្រចាប់អារម្មណ៍ខ្លាំងទៀត ក្រោយបានឃើញអ្នកទាំងពីរបង្ហោះរូបភាពជាគូនឹងគ្នា ដែលតុបតែងខ្លួនស្លៀកពាក់ដូចកំពុងថត Pre-Wedding ធ្វើឱ្យអ្នកគាំទ្រគិតថាគូស្នេហ៍មួយគូនេះជិតមានដំណឹងល្អទៀតផង។

ដោយឡែក ស្រាប់តែថ្មីនេះ អ្វីដែលកាន់តែធ្វើឱ្យអ្នកគាំទ្រចាប់អារម្មណ៍នោះ គឺបន្ទាប់ពីស្រីស្អាត ម៉ានីន បានបង្ហោះរូបភាពបញ្ជាក់ពីការពិនិត្យទឹកនោមថាមានផ្ទៃពោះ ប្រៀបដូចជាការបង្ហាញឱ្យដឹងថា លោក ថុល សុភិទិ ជិតក្លាយជាប៉ាប៉ាគេហើយ។

ដំណឹងខាងលើនេះ ក៏បានធ្វើឱ្យមហាជនចូលរួមអបអរសាទរដល់លោក ថុល សុភិទិ និង គូស្នេហ៍ជាបន្តបន្ទាប់ផងដែរ៕

ក្រោយឃើញបែបនេះ មហាជនលើបណ្ដាញសង្គមហ្វេសប៊ុក ក៏ដូចជាអ្នកសិល្បៈជាច្រើន បានបង្ហាញការអបអរជូនពរដល់អាយដល សុភិទិ និង គូស្នេហ៍របស់លោកកាន់តែស្រឡាញ់គ្នាថែមទៀតផងដែរ៕