ជនសង្ស័យចំនួន០៣នាក់ ពាក់ព័ន្ធករណីលួចយកម៉ូតូ និងចាត់ចែងឱ្យប្រើប្រាស់ដោយខុសច្បាប់ នូវសារធាតុញៀន ត្រូវបានកម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ស្រាវជ្រាវឃាត់ខ្លួន

រាជធានីភ្នំពេញ៖ កម្លាំងការិយាល័យនគរបាលព្រហ្មទណ្ឌកំរិតស្រាលរាជធានីភ្នំពេញ ឃាត់ខ្លួនជនសង្ស័យចំនួន០៣នាក់ នៅចំណុចផ្លូវរថភ្លើង សង្កាត់ស្រះចក ខណ្ឌដូនពេញ ពាក់ព័ន្ធបទល្មើសលួចយកម៉ូតូ និងចាត់ចែងឱ្យប្រើប្រាស់ដោយខុសច្បាប់ នូវសារធាតុញៀន ប្រព្រឹត្តនៅចំណុចកាប៊ីនភ្លើង ផ្លូវរថភ្លើង ភូមិ២ សង្កាត់ស្រះចក ខណ្ឌដូនពេញ ។

ជនសង្ស័យចំនួន០៣នាក់រួមមាន៖
១-ឈ្មោះ សូត្រ ណារាជ ភេទ ប្រុស ជនជាតិ ខ្មែរ មុខរបរ មិនពិតប្រាកដ ស្នាក់នៅមិនពិតប្រាកដ។
២-ឈ្មោះ សយ ឈីត ភេទ ប្រុស ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះជួល ផ្លូវរថភ្លើង សង្កាត់ស្រះចក។
៣-ឈ្មោះ ឌឹម វីរៈ ភេទ ប្រុស ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះជួល ផ្លូវរថភ្លើង សង្កាត់ស្រះចក។

វត្ថុតាង៖ ម៉ូតូហុងដាសេ១២៥ ពណ៌ ខ្មៅ សេរីឆ្នាំ២០២១ ពាក់ផ្លាកលេខតាកែវ ១X-៥១៩៧ ជារបស់ជនរងគ្រោះ។

បច្ចុប្បន្នជនសង្ស័យ និងម៉ូតូជនរងគ្រោះ ដែលចាប់បាន កម្លាំងជំនាញការិយាល័យ កំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕