ចុះបង្ក្រាបករណីគ្រឿងញៀន ទីតាំងចំនួន ០១កន្លែងនៅចំណុចក្នុងភូមិ ត្រពាំងព្រីង ឃុំពពេល ស្រុកត្រាំកក់ ខេត្តតាកែវ

ខេត្តតាកែវ៖ នៅថៃ្ងព្រហស្បតិ៍១០រោច ខែកត្តិក ឆ្នាំថោះ បញ្ចស័ក ព.ស២៥៦៧ ត្រូវនឹងថ្ងៃទី០៧ ខែធ្នូ ឆ្នាំ២០២៣ វេលាម៉ោង១៦ និង០០នាទី ដោយមានការចង្អុលបង្ហាញពី លោក ឧត្តមសេនីយ៍ទោ ឈាង ផាន់ណារ៉ា ស្នងកានគរបាល ខេត្តតាកែវ និងមានការសម្របសម្រួលពី ឯកឧត្តម ឯក ឆេងហួត ព្រះរាជអាជ្ញាអមសាលាដំបូងខេត្តតាកែវ ។
បានទទួលបញ្ជាពីលោក វរសេនីយ៍ឯក ចុល ចេក ស្នងការរង ផែនការងារប្រឆាំងគ្រឿងញៀន កម្លាំងការិយាល័យប្រឆាំងគ្រឿងញៀន ដឹកនាំដោយលោក វរសេនីយ៍ទោ សុខ សង្ហា នាយការិយាល័យប្រឆាំងគ្រឿងញៀន បាន ចុះបង្ក្រាប ទីតាំងចំនួន០១កន្លែងនៅចំណុចក្នុងភូមិ ត្រពាំងព្រីង ឃុំពពេល ស្រុកត្រាំកក់ ខេត្តតាកែវ ក៏បានធ្វើការឃាត់ខ្លួនជន សង្ស័យចំនួន០៤នាក់៖

១-ឈ្មោះចាន់ ចនតូនី ភេទប្រុស អាយុ២០ឆ្នាំ មុខរបរកសិករ មានទីលំនៅភូមិមឿងចា ឃុំជាងទង ស្រុកត្រាំកក់ ខេត្តតាកែវ(ប្រើប្រាស់)

២-ឈ្មោះ សន ភក្តី ភេទប្រុស អាយុ២៤ឆ្នាំ មុខរបរ កសិករ មានទីលំនៅភូមិត្រពាំងព្រីង ឃុំពពេល ស្រុកត្រាំកក់ ខេត្តតាកែវ (ប្រើប្រាស់)

៣-ឈ្មោះ គ្រីស តួ ភេទប្រុស អាយុ២១ឆ្នាំ មុខរបរ មិនពិតប្រាកដ មានទីលំនៅភូមិត្រពាំងព្រីង ឃុំពពេល ស្រុកត្រាំកក់ ខេត្តតាកែវ (ប្រើប្រាស់)

៤- ឈ្មោះឃួន វ៉ាន់ ភេទស្រី អាយុ២៦ឆ្នាំ មុខរបរ កសិករ មានទីលំនៅភូមិត្រពាំងព្រីង ឃុំពពេល ស្រុកត្រាំកក់ ខេត្តតាកែវ(ប្រើប្រាស់) និងដកហូតវត្ថុតាងនៅនឹងខ្លួនជនសង្ស័យបានរួមមាន៖ ទូរស័ព្ទចំនួន០៣គ្រឿងម៉ាកOPPOចំនួន ០១គ្រឿង-ម៉ាកVIVOចំនួន០២គ្រឿង – ម៉ូតូចំនួន០២គ្រឿងម៉ាកសេ១២៥ពាក់ស្លាកលេខភ្នំពេញ1ID-4753 និងម៉ាក សេ១២៥ពាក់ស្លាកលេខតាកែវ1Q-3675 និងឧបករណ៍ប្រើប្រាស់មួយចំនួន រួចបញ្ចូនមកកាន់ស្នងការដ្ឋាននគរបាលខេត្តតាកែវ ដើម្បីកសាងសំណុំរឿងតាមនីតិវិធីច្បាប់។