ស្ត្រីម្នាក់ ទំនងជាមានវិបត្តិអ្វីទេ ខណៈកំពុងតែយំសោកពេលបើកបរក៏រ៉េចង្កូតទៅបុករបាំងថ្ម ខណ្ឌចែកទ្រូងផ្លូវ

ភ្នំពេញ ៖ កាលពី ថ្ងៃទី៥ ខែធ្នូ ឆ្នាំ២០២៣ នៅចំណុចស្តុបត្រឡោកបែក តាមបណ្តោយផ្លូវលេខ៥៩៨ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
រថយន្តបង្កគ្រោះថ្នាក់ម៉ាក KIA MORNING ពណ៌ខ្មៅ ពាក់ស្លាកលេខ ភ្នំពេញ 2BS-3373 បើកបរដោយស្ត្រីម្នាក់មិនស្គាល់អត្តសញ្ញាណឡើយ។

មុនពេលកើតហេតុ គេឃើញស្ត្រីម្នាក់ បានបើករថយន្ដខាងលើដោយយំសោកផង និងធ្វើដំណើរតាមបណ្ដោយផ្លូវ៥៩៨ ក្នុងទិសដៅពីជើងទៅត្បូង ។ នៅពេលមកដល់ចំណុចកើតហេតុនេះ ក៏បានបុ.កក្បាលរបាំងថ្មខណ្ឌចែកទ្រូងផ្លូវពេញទំហឹង បណ្តាលអោយក្បាលរបាំងថ្មវៀច ហើយរថយន្តខ្ទេចមុខតែម្តង ។

សមត្ថកិច្ចចូលទៅសួរនាំ ក្រែងមានរបួសស្នាម ប៉ុន្តែស្ត្រីជាម្ចាស់រថយន្តនិយាយដូចគ្មានស្មារតី និងស្រក់ទឹកភ្នែករហូត ។ លុះមួយសន្ទុះក្រោយក៏មានសាច់ញាតិ មកទទួលយកទៅបាត់ ។ ចំណែករថយន្ត ត្រូវបានសមត្ថកិច្ចចុះទៅវាស់វែងរួចបញ្ជូន ទៅកាន់ការិយាល័យចរាចរណ៍ផ្លូវគោក ដើម្បីដោះស្រាយសងការខូចខាតសម្បត្តិសាធារណៈ ៕