គ្រោះថ្នាក់ចរាចរណ៍ រវាងឡានបុកឡាន បណ្ដាលឲ្យឡានរងការខូចខាតរៀងៗខ្លួនយ៉ាងដំណំ និងរងរបួស២នាក់

ភ្នំពេញ: កាលពី ថ្ងៃទី ៣០ ខែវិច្ឆិកា ឆ្នាំ ២០២៣ នៅត្រង់ចំណុចស្តុប 24 ម៉ោង តាមបណ្ដោយផ្លូវហាណូយ កែងនិងផ្លូវសម្ដេចជាស៊ីម ស្ថិតក្នុងសង្កាត់គោឃ្លាង ខណ្ឌសែនសុខ រាជធានីភ្នំពេញ។

មុនកើតហេតុគេឃើញមានរថយន្តម៉ាក Lexus Lx-570 KORO មួយគ្រឿងពណ៌សពាក់ស្លាកលេខកម្ពុជាH-NARY 99បើកបរលក្ខណៈគ្រួសារមានប្រុសស្រីក្មេងចាស់បួននាក់ធ្វើដំណើរតាមបណ្ដោយផ្លូវសម្ដេចជា ស៊ីម ក្នុងទិសដៅពីលិចទៅកើត លុះមកដល់ចំណុចកើតហេតុនេះ ខ្វះការប្រុងប្រយ័ត្ន ក៏ជ្រុលចង្លូតបុកជាមួយរថយន្តម៉ាក CHEVORLET ពណ៌សពាក់ស្លាកលេខភ្នំពេញ2AM-5025បើកបរដោយបុរសម្នាក់រួមដំណើរនឹងបុរសម្នាក់ទៀត ធ្វើដំណើរតាមបណ្ដោយផ្លូវហាណូយ ទិសដៅពីជើងទៅត្បូង ពីចំហៀងខាងស្តាំពេញទំហឹងការខូចខាតរៀងៗខ្លួនយ៉ាងដំណំ និងបណ្ដាលឲ្យភាគីខាងរថយន្តLexus 570 របួសប្រុសស្រីក្មេងចាស់ពីរនាក់ត្រូវបានសាច់ញាតិបញ្ជូនទៅសង្គ្រោះនៅពេទ្យឯកជនដោយខ្លួនឯង។

សមត្ថកិច្ចជំនាញចុះមកធ្វើការវាស់វែងយករថយន្តទាំងពីរគ្រឿងទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគបាលរាជធានីភ្នំពេញរងចាំធ្វើការដោះស្រាយគ្នានៅពីក្រោយ៕