កម្លាំងសមត្ថកិច្ចខេត្តព្រះសីហនុ ឃាត់ខ្លួនជនសង្ស័យ ដែលចាក់ ជនរងគ្រោះម្នាក់បណ្តាលឲ្យធ្លាយពោះ

(ខេត្តព្រះសីហនុ): របាយការណ៍របស់នគរបាលស្ដីពី ការស្រាវជ្រាវបង្ក្រាបករណីហិ…ង្សាដោយចេតនាមានស្ថានទម្ងន់ទោស (កា…ប់នឹងកាំ…បិតប៉័ងតោ បណ្តាលអោយរងរបួ…សធ្ងន់) ដោយមានបទបញ្ជាពី ឯកឧត្ដម ឧត្តមសេនីយ៍ឯក អគ្គស្នងការរង និងជាស្នងការនគរបាលខេត្តព្រះសីហនុ និងដឹងនាំដោយផ្ទាល់ពីលោក វរសេនីយ៍ឯក លី សុខហ៊ី ជាស្នងការរងទទួលការងារព្រហ្មទណ្ឌកម្រិតស្រាល នៅថ្ងៃទី១៤ ខែវិច្ឆិកា ឆ្នាំ២០២៣ វេលាម៉ោង ២៣ និង ៤០នាទីយប់ មានប្រជាពលរដ្ឋរាយការណ៍មកថា នៅចំណុច ម្តុំតោពីរ ស្ថិតក្នុង ភូមិ៤ សង្កាត់៤ ក្រុង-ខេត្តព្រះសីហនុ មានជនមិនស្គាល់អត្តសញ្ញាណ ៤នាក់ ជិះម៉ូតូ ២គ្រឿង បានធ្វើសកម្មភាពយកកាំបិ..តប៉័ងតោកា..ប់ទៅលើជនរងគ្រោះចំនួន២នាក់ បណ្តាលអោយជនរងគ្រោះ១នាក់របួសត្រង់ក្រោយខ្នង និងពោះ(ធ្លាយពោះវៀន) និង១នាក់ទៀតរបួ..សត្រង់ដើមទ្រូង(រងរបួ…សធ្ងន់ទាំង២នាក់) រួចក្រុមជនសង្ស័…យបានជិះម៉ូតូរត់គេចខ្លួនបាត់។

បន្ទាប់ពីទទួលបានព័ត៌មាននេះភ្លាម កម្លាំងការិយាល័យនគរបាលព្រហ្មទណ្ឌកម្រិតស្រាល បានចុះទៅដល់ទីតាំងកើតហេតុដើម្បីធ្វើការស្រាវជ្រាវ និងកំណត់មុខសញ្ញាជនសង្ស័យ រហូតដល់វេលាម៉ោង ០១ និង ១០នាទីរំលងអធ្រាត្រ ឈានចូលថ្ងៃទី ១៥ ខែវិច្ឆិកា ឆ្នាំ២០២៣ កម្លាំងការិយាល័យនគរបាលព្រហ្មទណ្ឌកម្រិតស្រាល បាន សហការជាមួយកម្លាំងការិយាល័យនគរបាលព្រហ្មទណ្ឌកម្រិតធ្ងន់ កម្លាំងអធិការដ្ឋាននគរបាលក្រុងព្រះសីហនុ និងកម្លាំងអធិការដ្ឋាននគរបាលស្រុកព្រៃនប់ ធ្វើការស្ទាក់ចាប់ខ្លួនជនសង្ស័យបានចំនួន០២នាក់ នៅចំណុច ភូមិអូរចំណារ ឃុំអូរឧកញ៉ាហេង ស្រុកព្រៃនប់ ខេត្តព្រះសីហនុ។ បន្ទាប់មកការិយាល័យនគរបាលព្រហ្មទណ្ឌកម្រិតស្រាល បានធ្វើការស្រាវជ្រាវយ៉ាងយកចិត្តទុកដាក់ ដើម្បីស្វែងរកចាប់ខ្លួនបក្ខពួកដែលកំពុងរត់គេចខ្លួន និងបានសហការជាមួយកម្លាំងអធិការដ្ឋាននគរបាលក្រុងព្រះសីហនុ កម្លាំងជំនាញនៃស្នងការដ្ឋាននគរបាលខេត្តសៀមរាប រហូតដល់វេលាម៉ោង ១៤ និង ៣០នាទីរសៀល ថ្ងៃទី១៦ ខែវិច្ឆិកា ឆ្នាំ២០២៣ កម្លាំងសមត្ថកិច្ចយើងធ្វើការឃាត់ខ្លួនបានបក្ខពួកជនសង្ស័..យចំនួន ០២នាក់ ជាជនដៃដល់ បន្ថែមទៀត នៅក្នុងស្រុកពួក ខេត្តសៀមរាប រួចបញ្ចូនមកកាន់ស្នងការដ្ឋាននគរបាលខេត្តព្រះសីហនុ។

ជនរ..ងគ្រោះទាំង២នាក់រងរបួ..ស៖ធ្ងន់ធ្ងរ (ត្រង់ពោះ ធ្លា..យពោះ..វៀន) របួ..សផ្នែកខាងក្រោយខ្នង) និងរបួ..សត្រង់ដើមទ្រូង ។
ជនសង្ស័..យឃាត់ខ្លួនបានចំនួន ០៤នាក់ ភេទប្រុស ជនជាតិខ្មែរ ។
១-ឈ្មោះ រ៉ា ចាន់សុផាន់ណារ៉េត ហៅ ញ៉ា ភេទប្រុស ជនជាតិខ្មែរ សញ្ជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្ន ភូមិ៥ សង្កាត់លេខ៤ ក្រុង-ខេត្តព្រះសីហនុ ។(ជាជ..នដៃដល់)
២-ឈ្មោះ សាត រតនា ភេទប្រុស ជនជាតិខ្មែរ សញ្ជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្ន ភូមិ៣ សង្កាត់លេខ២ ក្រុង-ខេត្តព្រះសីហនុ ។(ជាជ..នដៃដល់)
៣-ឈ្មោះ សាង សុខ ហៅក្រៅ អា យ៉ាវ ភេទប្រុស ជនជាតិខ្មែរ សញ្ជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្ន ភូមិ៣ សង្កាត់២ ក្រុង-ខេត្តព្រះសីហនុ ។

៤- ឈ្មោះ ងិក សុនី ភេទប្រុស ជនជាតិខ្មែរ សញ្ជាតិខ្មែរ មុខរបរ មិនពិតប្រាកដ ទីលំនៅបច្ចុប្បន្ន ភូមិ៦ សង្កាត់លេខ៤ ក្រុង-ខេត្តព្រះសីហនុ ។
សម្ភារវត្ថុតាងចាប់យកបាន៖
ម៉ាក IPHONE 6 PLUS ពណ៌មាស ។
ម៉ាក IPHONE 12 PRO ពណ៌ទឹកសណ្តែក ។
ម៉ាក IPHONE X ដូរសំបក ពណ៌ ទឹកសមុទ្រ ។
កាំបិតបុ័ងតោ ចំនួន ០១ដើម ។
HONDA DREAM ពណ៌ខ្មៅ ផលិតឆ្នាំ២០១៦ ឡើងឆ្នាំ២០២២ មានលេខម៉ាស៊ីន 9643729 ស្លាកលេខ ភ្នំពេញ 1HV-7460 (មធ្យោបាយជិះធ្វើសកម្មភាព) ។
HONDA DREAM ពណ៌ខ្មៅ ផលិតឆ្នាំ២០១៩ មានលេខម៉ាស៊ីន 5548900 ស្លាកលេខ ព្រះសីហនុ 1I-9268 (មធ្យោបាយជិះធ្វើសកម្មភាព)។

ករណីនេះ ការិយាល័យនគរបាលព្រហ្មទណ្ឌកម្រិតស្រាល កំពុងកសាងសំណុំរឿងបញ្ជូនទៅសាលាដំបូងខេត្តព្រះសីហនុ ដើម្បីផ្ដន្ទាទោសតាមផ្លូវច្បាប់ ៕