ស្រាវជ្រាវបង្ក្រាប ឃាត់ខ្លួនជនសង្ស័យ ០៣នាក់ ពាក់ព័ន្ធករណីឃាតកម្មគិតទុកជាមុន

ខេត្តបាត់ដំបង៖ នៅថ្ងៃទី០៩ ខែវិច្ឆិកា ឆ្នាំ២០២៣ នៅចំណុចក្រុមទី០១ ភូមិបញ្ញា ឃុំកំពង់ព្រះ ស្រុកសង្កែ ខេត្តបាត់ដំបង មានករណីឃាតកម្មគិតទុកជាមុន (យកកាំបិតខ្វែវកាប់) មួយកើតឡើងបង្កដោយជនសង្ស័យមិនស្គាល់ភេទប្រុស អាយុប្រហែល២០ឆ្នាំ ចំនួន០៣នាក់ ជិះម៉ូតូចំនួន០២គ្រឿង បានធ្វេីសកម្មភាពយកកាំបិតខ្វែវកាប់ទៅលើជនរងគ្រោះឈ្មោះ ធឿម ចំរេីន ភេទប្រុស អាយុ២១ឆ្នាំ មានទីលំនៅក្រុមទី០៦ ភូមិកូនក្អែក២ ឃុំរបស់មង្គល់ ស្រុកមោងឫស្សី ខេត្តបាត់ដំបង ត្រូវចំក្បាលពីក្រោយចំនួន០១ កន្លែង បណ្តាលរងរបួសបែកហូរឈាម រហូតដល់ស្លាប់ក្នុងពេលបញ្ជូនទៅកាន់មន្ទីរពេទ្យបង្អែកខេត្តបាត់ដំបង។
ស្រាវជ្រាវបង្ក្រាប ឃាត់ខ្លួនជនសង្ស័យបានចំនួន០៣នាក់ ៖

១-ឈ្មោះ យឿម ម៉ែន ភេទប្រុស អាយុ២១ឆ្នាំ មានទីលំនៅភូមិពុកឆ្មា ឃុំអន្លង់វិល ស្រុកសង្កែ ខេត្តបាត់ដំបង ។
២-ឈ្មោះ សឿប ស៊ីតង ភេទប្រុស អាយុ២៣ឆ្នាំ មានទីលំនៅភូមិពុកឆ្មា ឃុំអន្លង់វិល ស្រុកសង្កែ ខេត្តបាត់ដំបង ។
៣-ឈ្មោះ វី ខេត ហៅ វ៉ា ភេទប្រុស អាយុ២០ឆ្នាំ មានទីលំនៅភូមិពុកឆ្មា ឃុំអន្លង់វិល ស្រុកសង្កែ ខេត្តបាត់ដំបង

នៅវេលាម៉ោង១៦:៣០នាទី ថ្ងៃទី១៦ ខែវិច្ឆិកា ឆ្នាំ២០២៣ នៅចំណុចភូមិពុកឆ្មា ឃុំអន្លង់វិល ស្រុកសង្កែ ខេត្តបាត់ដំបង។
ជនសង្ស័យ បានឆ្លេីយសារភាពថា ពួកខ្លួនបានធ្វេីសកម្មភាពតាមរកជនរងគ្រោះឈ្មោះ ធឿម ចំរេីន ហេីយឈ្មោះ យឿម ម៉ែន បានធ្វេីសកម្មភាពយកកាំបិតខ្វែវកាប់ទៅលេីជនរងគ្រោះ បណ្តាលអោយរងរបួស ពិតប្រាកដមែន។

មូលហេតុបណ្តាលអោយមានករណីហិង្សានេះកេីតឡេីង គឺដោយសារតែជនសង្ស័យ ឈ្មោះ យឿម ម៉ែន បានផ្ទុះកំហឹងជាមួយជនរងគ្រោះ ទាក់ទងស្នេហាជាមួយប្រពន្ធរបស់ខ្លួន។
ករណីនេះ កម្លាំងជំនាញនៃអធិការដ្ឋាននគរបាលស្រុកសង្កែ កំពុងកសាងសុំណុំរឿងបញ្ជូនជនសង្ស័យ បន្តតាមនីតិវិធីច្បាប់ ៕