អភិបាលខេត្តស្ទឹងត្រែង ជំរុញដល់មន្ត្រីកសិកម្ម ជួយណែនាំប្រជាកសិករ ឱ្យយល់ដឹងពីការប្រើជីកសិកម្មតាមបច្ចេកទេស ដើម្បីបង្កើនទិន្នផល និងមិនប៉ះពាល់សុខភាព
ខេត្តស្ទឹងត្រែង)៖ អភិបាលខេត្តស្ទឹងត្រែង ឯកឧត្តម សរ សុពុត្រា បានជំរុញដល់មន្ត្រីកសិកម្មទាំង៣០ឃុំ ក្នុងស្រុកទាំង៥ សូមឱ្យខិតខំប្រឹងប្រែងក្នុងការបំពេញភារ
កិច្ចឱ្យបានល្អ និងបន្តជួយណែនាំដល់ប្រជាកសិករឱ្យប្រើប្រាស់ជីកសិកម្មបានត្រឹមត្រូវទៅតាមបច្ចេកទេសដើម្បីបង្កើនទិន្នផល និងមិនប៉ះពាល់ដល់សុខភាពអ្នកប្រើប្រាស់ ជាពិសេសសូមចូលរួមជាមួយរាជរដ្ឋា ភិបាល និងក្រសួងកសិកម្ម ក្នុងការចែករំលែកព័ត៌មានល្អៗ និងការផ្តល់ចំណេះដឹងបច្ចេកទេសថ្មីៗដើម្បីជួយ
ដល់កសិករក្នុងការលើកស្ទួយវិស័យកសិកម្ម និងជីវ
ភាពរស់នៅរបស់ប្រជាពលរដ្ឋក្នុងមូលដ្ឋានផងដែរ ។
មានប្រសាសន៍នៅក្នុងពិធីសំណេះសំណាលជាមួយមន្ត្រីកសិកម្មក្នុងឃុំទាំង៣០ កាលពីថ្ងៃទី២ ខែមេសា ឆ្នាំ២០២៥ម្សិលមិញ នៅឯសាលប្រជុំសាលាខេត្ត ឯក
ឧត្ដម សរ សុពុត្រា បានលើកទឹកចិត្តដល់មន្រ្តីកសិកម្ម
ឃុំទាំង៣០រូប ដោយប្រៀបទៅនិងគ្រាប់ពូជថ្មីដែលដុះលូតលាស់នៅលើថ្នាលថ្មី ប្រកបដោយក្តីសង្ឃឹមក្រោ
យប្រឡងជាប់ក្របខណ្ឌនាពេលថ្មីៗនេះ ហើយត្រូវចូលមកបម្រើការងារនៅតាមមូលដ្ឋាន ។
ឯកឧត្តមអភិបាលខេត្តក៏បានមានប្រសាសន៍លើក
ឡើងថា រាជរដ្ឋាភិបាលដែលដឹកនាំដោយសម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជាបានដាក់
ចេញនូវយុទ្ធសាស្ត្របញ្ចកោណដំណាក់កាលទី១ និងកម្មវិធីគោលនយោបាយអាទិភាពទី៥ និងទី៦ ដែលផ្តោតលើការដាក់ពង្រាយមន្ត្រីកសិកម្មឃុំ ការអភិវឌ្ឍន៍សហគមន៍កសិកម្មទំនើប និងយន្តការរក្សាលំនឹងថ្លៃកសិផលគន្លឹះ ព្រមទាំងកិច្ចខិតខំប្រឹងប្រែងរបស់ក្រសួង និងមន្រ្តីទាំងអស់ក្នុងការចុះជួយដោះស្រាយប
ញ្ហាប្រឈមជូនបងប្អូនប្រជាកសិករនៅទូទាំងប្រទេស
ក្នុងការលើកស្ទួយវិស័យកសិកម្ម និងជីវភាពរបស់ប្រ
ជាពលរដ្ឋ តាមរយៈការផ្តល់ចំណេះដឹង បច្ចេកទេសផ្សេងៗ ។
ជាមួយគ្នានោះលោក ទុំ នីរ៉ូ ប្រធានមន្ទីរកសិកម្ម រុក្ខា
ប្រមាញ់ និងនេសាទខេត្ត បានមានប្រសាសន៍ថា ក្នុង
រយៈពេលកន្លងមក មន្ទីរកសិកម្មរុក្ខាប្រមាញ់ និងនេ
សាទខេត្តស្ទឹងត្រែង បានពង្រឹងនិងអភិវឌ្ឍន៍នូវធន
ធានមនុស្ស ដើម្បីធ្វើឱ្យវិស័យកសិកម្មក្នុងខេត្តឈានសម្រេចបានតាមផែនការ និងទិសដៅរបស់អង្គភាព ដោយមន្ត្រីរាជការ នៃមន្ទីរកសិកម្មបានខិតខំប្រឹងប្រែង
យ៉ាងខ្លាំង ក្រោមការដឹកនាំ និងចង្អុរបង្ហាញពីថ្នាក់ដឹក
នាំក្រសួង ជាពិសេសថ្នាក់ដឹកនាំខេត្ត និងកិច្ចសហការល្អពីគ្រប់អាជ្ញាធរស្រុក.ឃុ. ភូមិ និងស្ថាប័នពាក់ព័ន្ធ ក៏
ដូចជាអង្គការនានា និងប្រជាកសិករផងដែរ ដោយចុះជាប់ជាប្រចាំនៅតាមមូលដ្ឋាន ធ្វើឱ្យការងារវិស័យកសិ
កម្មឆ្នាំ២០២៤កន្លងមកនេះទទួលបានលទ្ធផលជាផ្លែ
ផ្កាស្របតាមសូចនាករណ៍របស់មន្ទីរដែលបានដាក់
ចេញផងដែរ ៕
