រំជួលចិត្ត! កូនតូចស្រែកយំលើទ្រូងម្ដាយ ដែលកំពុងជាប់ក្នុងគំនរអគារបាក់បែក នៅមីយ៉ាន់ម៉ា ព្រោះគ្រោះរញ្ជួយដី

កាលពីថ្ងៃទី ២៨ ខែមីនា ឆ្នាំ ២០២៥ កន្លងទៅនេះ ប្រទេសមីយ៉ាន់ម៉ា បានរងគ្រោះដោយសារតែគ្រោះរញ្ជួយដីជាច្រើនកន្លែង ដែលមានមនុស្សជាង ១៤០ នាក់បានបាត់បង់ជីវិត និងជាង ៧០០ នាក់ទៀតបានរងរបួស ព្រមទាំងសំណង់ជាច្រើនបានរលំខូចខាត។

ក្នុងនោះដែរ ខាងក្រុមអ្នកសង្រ្គោះចូលទៅជួយជនរងគ្រោះដែលជាប់នៅក្រោមគំនរសំណង់យ៉ាងដុតដៃដុតជើង ហើយអ្វីដែលធ្វើ​ឱ្យមហាជនរំជួលចិត្តអាណិតបំផុតនោះ គឺសកម្មភាពដែលគេបានជួយម្តាយ និងកូនតូចដែលកំពុងតែជាប់នៅក្រោមគំនរសំណង់មួយនាទីក្រុង Naypyidaw ។

គេឃើញថាកូនតូចកំពុងនៅលើទ្រូងម្តាយ រីឯម្តាយកំពុងតែដេកនៅនឹងដី ព្រមទាំងស្រែកយំដោយការឈឺចាប់។ ចំណែកខាងអ្នកសង្រ្គោះក៏បានរកវិធីជួយយកទាំងពីរនាក់ម្តាយកូននេះចេញមកឱ្យមានសុវត្ថិភាព ពោលគឺរូបភាពមួយនេះពិតជារំជួលចិត្ត បង្ហាញឱ្យពីក្តីស្រឡាញ់របស់ម្តាយយ៉ាងពិតប្រាកដតែម្តង៕

ប្រភព៖ RNZ