គ្រោះថ្នាក់ចរាចរណ៍ រវាងរថយន្តស៉ឺមីសណ្តោងរឺម៉កនិងរថយន្ត បណ្ដាលឱ្យស្លាប់អ្នកបើកបររថយន្ត

កំពង់ឆ្នាំង៖ នៅថ្ងៃទី១៤ ខែវិច្ឆិកា ឆ្នាំ២០២៤ វេលាម៉ោង៥.៣០នាទី លើផ្លូវជាតិលេខ5 ចន្លោះគីឡូ ម៉ែត្រ៦៩_៧០ត្រង់ចំណុចផ្លូវបំបែកជាបី ស្ថិតក្នុងភូមិគោកស្តៅ ឃុំ ទឹកហូត ស្រុករលាប្អៀរ ខេត្តកំពង់ឆ្នាំង មានករណីគ្រោះថ្នាក់់ចរាចរណ៍ រវាងរថយន្តស៉ឺមីសណ្តោងរឺម៉ក ម៉ាកPUSOពណ៍ ខៀវ ពាក់ផ្លាកលេខ ភ្នំពេញ3A_05 64 ស៉ឺមីសណ្តោងលេខ ភ្នំពេញ4A_1163 អ្នកបើកបរ មិនស្គាល់ អត្តសញ្ញាណ(គេចខ្លួនបាត់ពីកន្លែងកើតហេតុ) បើកបត់ឆ្លងផ្លូវ ពីលិចទៅកើត ស្រាប់តែមានរថយន្ត ០១គ្រឿង ម៉ាក HYUNDAI ពណ៍ខៀវ ពាក់ផ្លាកលេខ ភ្នំពេញ 3A_ 0426 បើកបរដោយឈ្មោះ គង់ សុផានិន ភេទប្រុស អាយុ៣៥ឆ្នាំ រស់នៅភូមិកណ្តាល សង្កាត់ ព្រែកភ្នៅ ខណ្ឌភ្នំពេញ រាជធានីភ្នំពេញ បើកពីទិសខាងត្បូង ទៅទិសខាងជើង បុកចំពាក់ពាក់កណ្តាល រថយន្ត(ក្នុងដំណើរខ្វែងទិសគ្នា) បណ្ដាលឱ្យស្លាប់អ្នកបើកបររថយន្តម៉ាក HYUNDAI ភ្លាមៗនៅកន្លែងកើតហេតុ។

ក្រោយពេល កើតហេតុកម្លាំងជំនាញបានចុះទៅដល់កន្លែងកើតហេតុ ធ្វើការពិនិត្យវាស់វែង និងធ្វើការស្រាវជ្រាវរកក្រុមគ្រួសារសព ដើម្បីយកសពទៅធ្វើបុណ្យតាមប្រពៃណី ចំណែកវត្ថុតាងចាប់ យកមករក្សាទុកនៅអធិការដ្ឋាននគរបាលស្រុករលាប្អៀរ ដើម្បីកសាងសំណុំរឿងតាមនីតិវិធី៕