ឯកឧត្តម ស្វាយ ដូត បានទទួលមរណភាពដោយសារបញ្ហាបេះដូង ពេលកំពុងចូលរួមទាត់បាល់ក្នុងកម្មវិធីប្រកួតបាល់ទាត់មិត្តភាពយុវជនអន្តរក្រសួង-ស្ថាប័ន ក្នុងវ័យ ៥៦ ឆ្នាំ
កាលពីថ្ងៃទី ១៨ ខែមីនា ឆ្នាំ ២០២៥ កន្លងទៅនេះ អ្នកលេងបណ្តាញសង្គមហ្វេសប៊ុក ជាពិសេស មហាជន និង មន្ត្រីគ្រប់ស្ថាប័នទាំងអស់ មានក្តីរន្ធត់ចិត្តយ៉ាងខ្លាំងនៃមរណភាពរបស់ឯកឧត្តម ស្វាយ ដូត មន្ត្រីជាន់ខ្ពស់ខុទ្ទកាល័យសម្តេចធិបតីនាយករដ្ឋមន្ត្រី និង ជាជំនួយការសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា។
ឯកឧត្តម ស្វាយ ដូត បានទទួលមរណភាពដោយសារបញ្ហាបេះដូង ពេលកំពុងចូលរួមទាត់បាល់ក្នុងកម្មវិធីប្រកួតបាល់ទាត់មិត្តភាពយុវជនអន្តរក្រសួង-ស្ថាប័ន ក្នុងវ័យ ៥៦ ឆ្នាំ។ ដំណឹងមរណភាព របស់ឯកឧត្តម ស្វាយ ដូត បានធ្វើឱ្យមហាជនមានការសោកស្តាយយ៉ាងខ្លាំង នៃការបាត់បង់ធនធានដ៏សំខាន់ ដោយឯកឧត្តម ជាមន្ត្រីមួយរូបដែលស្លូតបូត និង ស្មោះត្រង់ ហើយទទួលបានការស្រឡាញ់រាប់អានយ៉ាងខ្លាំងពីអ្នករួមការងារ ក៏ដូចជាមិត្តភក្តិ។
គួរជម្រាបថា សពរបស់ឯកឧត្តម ស្វាយ ដូត ត្រូវបានតម្កល់រៀបចំពិធីបុណ្យតាមប្រពៃណីព្រះពុទ្ធសាសនា នៅគេហដ្ឋាននៅបុរីសម្បត្តិមានហេង ៣ ផ្ទះលេខ ១ ផ្លូវលេខ ៥ ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ៕
