ចៅសង្កាត់តាខ្មៅ និងកូនប្រុសស្រីចំនួន២នាក់ទៀត ត្រូវបានរដ្ឋមន្ត្រីក្រសួងមហាផ្ទៃបញ្ជាឲ្យអភិបាលខេត្តកណ្តាលឲ្យបញ្ចប់មុខងារពីជំនួយការនិងអនុវត្តនីតិវិធីច្បាប់

ខេត្តកណ្ដាល​ ៖ លោក ជៀម ខូយ ចៅសង្កាត់តាខ្មៅ និងកូនប្រុសស្រីចំនួន២នាក់ទៀត រួមជាមួយឈ្មោះ សុខ សុផា ស្មៀនសង្កាត់តាខ្មៅ ត្រូវបានលោកវរសេនីយ៍ត្រី ហោ សំអុល អតីតនាយប៉ុស្តិ៍នគរបាលរដ្ឋបាលតាខ្មៅមានទីលំនៅផ្ទះលេខ៦៥ ផ្លូវលេខ២ ភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាលកាលពីថ្ងៃទី១៩ ខែកក្កដា ឆ្នាំ២០២១ ប្ដឹងទៅលោកអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ។ នេះបើតាមស.ជ.ណ. ចុះថ្ងៃទី៥ ខែមីនា ឆ្នាំ២០២៥របស់ក្រសួងមហាផ្ទៃដែលទើបទទួលបាននៅថ្ងៃទី១៥ ខែមីនា ឆ្នាំ២០២៥នេះ។​ ក្រោយក្រសួងមហាផ្ទៃបានទទួលពាក្យបណ្ដឹងសុំប្តឹង៖ ១.លោក ជៀម សំរិតធី មន្ត្រីនគរបាល គ្រឿងញៀន នៃអធិការដ្ឋាននគរបាលក្រុងតាខ្មៅ ស្នងការដ្ឋាននគរបាលខេត្តកណ្តាល ២.លោក ជៀម ខូយ ចៅសង្កាត់តាខ្មៅ ៣.លោក សុខ សុផា ស្មៀនសង្កាត់តាខ្មៅ និង៤.លោកស្រី ជៀម សំរិតសោភា ជាអ្នក សរសេរលើសំបុត្រកំណើត(កាន់ឯកសាររត់ការ)ពីបទ«រំលោភអំណាច និងប្រព្រឹត្តអំពើពុករលួយ»៕