ជនសង្ស័យចាប់ខ្លួន ករណីឆក់ខ្សែ ក បានសម្រេច តែរត់មិនរួច

(កំពង់ស្ពឺ)៖ នៅថ្ងៃទី១៣ ខែវិច្ឆិកា ឆ្នាំ២០២៣ ករណីឆក់ខ្សែ ក នៅចំណុច ខាងត្បួងស្ពានរង្វង់មូលផ្លែត្នោត ក្នុងភូមិត្រស់សាលា សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ តែក្រោយចក់បានមួយសន្ទុះត្រូវបាននគរបាលបង្ក្រាបបានភ្លាមៗ។

មុនពេលកើតហេតុ ជនរងគ្រោះឈ្មោះ សាន រស្មី ភេទស្រី អាយុ២៧ឆ្នាំ រស់នៅភូមិបាក់ធ្មេញ ឃុំរលាំងចក ស្រុកសំរោងទង ខេត្តកំពង់ស្ពឺ បានជិះម៉ូតូ១គ្រឿង មកពីផ្សារកំពង់ស្ពឺ សំដៅទៅផ្ទះ។

ពេលធ្វើដំណើរមកដល់កន្លែងកើតហេតុ ស្រាប់តែមានជនសង្ស័យមិនស្គាល់អត្តសញ្ញាណម្នាក់ ជិះម៉ូតូ១គ្រឿង ម៉ាកហុងដា C125 ពណ៌ខ្មៅ មិនចាំសេរីឆ្នាំ និងស្លាកលេខ មកពាក់ទឹមម៉ូតូជនរងគ្រោះពីខាងឆ្វេង រួចធ្វើសកម្ម

ភាពលូកដៃឆក់ខ្សែក ទាញដាច់បានមួយកំណាត់ រួចប្រញ៉ាប់ជិះគេចខ្លួនទៅទិសខាងលិចបាត់។ ជនរងគ្រោះបានស្រែកឆោឡោឲ្យគេជួយ និងមានបងប្អូនរាយការណ៍ទៅកាន់ប៉ូលីសបន្ទាន់។
ឃាត់ជនសង្ស័យបានម្នាក់ ដែលមានឈ្មោះសុខ សំណាង អាយុ៣៥ឆ្នាំ មានទីលំនៅភូមិក្រាំងល្ហុង ឃុំមហាសាំង ស្រុកភ្នំស្រួចខេត្តកំពង់ស្ពឺ។

ក្រោយយកមកសាកសួរនៅការិយាល័យព្រហ្មទណ្ឌកំរិតស្រាល នគរបាលខេត្តកំពង់ស្ពឺ ជនសង្ស័យក៏បានឆ្លើយសារភាពថា ខ្លួនពិតជាបានធ្វើសកម្មភាពឆក់ខ្សែក ពិតប្រាកដមែនត្រូវបានចាប់ខ្លួនភ្លាមៗ។ ករណីនេះ បានកសាងសំណុំរឿងបញ្ជូនទៅផែននគរបាលព្រហ្មទណ្ឌ ស្នងការនគរបាលខេត្តកំពង់ស្ពឺ ចាត់ការតាមនិតិវិធីច្បាប់ ៕