ជនសង្ស័យម្នាក់ ម្ចាស់ឃើញទាន់ ចាប់ប្រគល់ជូនសមត្ថកិច្ច នៅចំណុចផ្សារកំបូល១ ភូមិត្រពាំងគល់ សង្កាត់កន្ទោក ខណ្ឌកំបូល

ភ្នំពេញ៖ កាលពី ថ្ងៃទី១១ ខែវិច្ឆិកា ឆ្នាំ២០២៣ ជនសង្ស័យជេីងចាស់ម្នាក់មុខដដែលៗបានធ្វេីសកម្មភាពយកម៉ូតូស៊េរីចាស់ទៅប្តូរយកម៉ូតូហុងដាឌ្រីមស៊េរីឆ្នាំ២០១៨ តែត្រូវបានម្ចាស់ឃេីញទាន់ចាប់ប្រគល់ជូនសមត្ថកិច្ច នៅចំណុចផ្សារកំបូល១ ភូមិត្រពាំងគល់ សង្កាត់កន្ទោក ខណ្ឌកំបូល។

ជនសង្ស័យឈ្មោះតាំង សុខៃ អាយុ៦៥ឆ្នាំ មានស្រុកកំណេីតនៅភូមិទូមាស ឃុំតាអុង ស្រុកចំកាលេី ខេត្តកំពង់ចាម។

មុនពេលកេីតហេតុជនរងគ្រោះជាជនជាតិចិនបានជិះម៉ូតូម៉ាកហុងដាឌ្រីម ស៊េរីឆ្នាំ២០១៨ ពណ៌ខ្មៅ ពាក់ស្លាកលេខភ្នំពេញ1HS-6129 ទៅផ្សារកំបូល១ ហើយពេលចតទុកម៉ូតូក្បែរខ្លួនរវល់ទិញអីវ៉ាន់ស្រាប់តែមានជនសង្ស័យម្នាក់ជិះម៉ូតូកញ្ចាស់មួយគ្រឿងមកធ្វេីសកម្មភាពលួចដូរ ភ្លាមៗនោះជនរងគ្រោះឃេីញទាន់ក៏ស្រែកឆោឡោឡេីងផ្អេីលអ្នកជិតខាងចាប់ប្រគល់ជូនសមត្ថកិច្ច។

ជនសង្ស័យនេះ ជាមុខសញ្ញាចាស់ ដែលសមត្ថកិច្ចចាប់បានពាក់ព័ន្ធករណីលួចម៉ូតូជាច្រេីនលេីកច្រេីនសាមកហេីយតែជនសង្ស័យនៅតែអាចចេញមកធ្វេីសកម្មភាពបន្តលួចម៉ូតូពលរដ្ឋដដែល។ ជនសង្ស័យត្រូវបានសមត្ថកិច្ចកំពុងសាកសួរនិងចាត់ការតាមនីតិវិធីច្បាប់ ៕