កម្លាំងអធិការដ្ឋាននគរបាលក្រុងក្រចេះ សហការជាមួយប៉ុស្ដិ៍នគរបាលរដ្ឋបាលសង្កាត់អូរឬស្សី បានចុះបង្ក្រាបឃាត់ខ្លួនជនសង្ស័យចំនួន ០៥នាក់

ថ្ងៃទី០៤ ខែវិច្ឆិកា ឆ្នាំ២០២៣ វេលាម៉ោង ២៣:០៦នាទី កម្លាំងអធិការដ្ឋាននគរបាលក្រុងក្រចេះ សហការជាមួយប៉ុស្ដិ៍នគរបាលរដ្ឋបាលសង្កាត់អូរឬស្សី បានចុះបង្ក្រាបឃាត់ខ្លួនជនសង្ស័យចំនួន ០៥នាក់ (ស្រី ០២នាក់) ពាក់ព័ន្ធករណី ជួញដូរ និង ប្រើប្រាស់ដោយខុសច្បាប់នូវសារធាតុញៀន ស្ថិតនៅភូមិស្រែស្តៅ សង្កាត់អូរឬស្សី ក្រុងក្រចេះ ខេត្តក្រចេះ។
💊វត្ថុតាង និងសម្ភារៈរួមមាន ៖
– ម្សៅក្រាមពណ៌ស សង្ស័យជាគ្រឿងញៀនចំនួន ០២កញ្ចប់តូច
– ទុយោសម្រាប់ចូករំលែកគ្រឿងញៀនចំនួន ០២ដើម
– ឧបករណ៍សម្រាប់ជក់គ្រឿងញៀនមួយចំនួន
– ទូរស័ព្ទដៃចំនួន ០២គ្រឿង។