កម្លាំងនគរបាលខេត្តកំពង់ឆ្នាំង ឃាត់ខ្លួនជនសង្ស័យចំនួន ០២នាក់ ករណីជួញដូរ និងប្រើប្រាស់គ្រឿងញៀន

ខេត្តកំពង់ឆ្នាំង ៖ នៅថ្ងៃទី៦ ខែវិច្ឆិកា ឆ្នាំ២០២៣ វេលាម៉ោង១៧ និង២០នាទី កម្លាំងការិយាល័យជំនាញប្រឆាំងគ្រឿងញៀនខេត្ត សហការជាមួយកម្លាំងអធិការដ្ឋាននគរបាលក្រុងកំពង់ឆ្នាំង បង្ក្រាបករណីជួញដូរ និងប្រើប្រាស់គ្រឿងញៀន ឃាត់ខ្លួនជនសង្ស័យចំនួន ០២នាក់ ស្ថិតនៅចំណុចភូមិទី៦ សង្កាត់ខ្សាម ក្រុងកំពង់ឆ្នាំង។

ក្នុងកិច្ចប្រតិបត្តិការខាងលើ សមត្ថកិច្ចបានឃាត់ខ្លួនជនសង្ស័យ ចំនួន ២នាក់ (ប្រុស) ព្រមទាំងបានដកហូតវត្ថុតាង ៖ ថ្នាំញៀនចំនួន ១៤កញ្ចប់, ទូរស័ព្ទចំនួន ២គ្រឿង, ម៉ូតូ ១គ្រឿង និងលុយខ្មែរ ១៤លានរៀល។

បច្ចុប្បន្នជនសង្ស័យរួមទាំងវត្ថុតាងត្រូវបានកម្លាំងជំនាញកសាងសំណុំរឿងតាមនីតិវិធី៕