មួយគ្រួសារ ៧ នាក់ ត្រូវអគ្គិភ័យលេ-បត្របាក់ផ្ដ-ា/ច់ជី/វិតទាំងអស់ ខណៈកំពុងលង់លក់មិនដឹងមានភ្លើងឆេះអគារ

កាលពីថ្ងៃទី ១៦ ខែវិច្ឆិកា ឆ្នាំ ២០២៤ កន្លងទៅ វេលាម៉ោងប្រមាណ ៥ ព្រឹក (ពេលវេលាក្នុងតំបន់) មានអគ្គិភ័យមួយបានឆាបឆេះឡើងយ៉ាងសន្ធោសន្ធៅលើអគារកម្ពស់ ៥ ជាន់មួយកន្លែង នាក្រុង Zhangjiajie ខេត្ត Hunan ប្រទេសចិន ដែលបណ្ដាលឱ្យមនុស្សមួយគ្រួសារមានសមាជិក ៧ នាក់ ត្រូវស្លាប់ក្នុងភ្លើងទាំងអស់គួរឱ្យរន្ធត់ នេះបើតាមការចេញផ្សាយពីសារព័ត៌មាន Dafeng News។

តាមសារព័ត៌មានបានឱ្យដឹងទៀតថា អគ្គិភ័យនេះដែរបានឆាបឆេះចេញពីឃ្លាំងស្តុកអីវ៉ាន់មួយនៅជាន់ទី ២ ហើយជនរងគ្រោះទាំង ៧ នាក់នៅពេលនោះអាចនឹងកំពុងដេកលង់លក់ ទើបមិនអាចរត់គេចខ្លួនទាន់ពេលវេលា។ គួរឱ្យដឹងថា អគារអាផាតមិនដែលឆាបឆេះមានទាំងអស់ចំនួន ៥ ជាន់ ដោយជាន់ទី ២ ជាឃ្លាំងស្តុកអីវ៉ាន់ ហើយជាន់ខាងលើៗជាកន្លែងស្នាក់នៅ។ ចំពោះជនរងគ្រោះមួយគ្រួសារដែលបានស្លាប់ មហាជនជាច្រើនសង្ស័យថាពួកគេជាអ្នករស់នៅជាន់ទី ៣ នៃអគារមួយនេះ។

ភ្លាមៗក្រោយទទួលបានដំណឹង ខាងអាជ្ញាធរ និង ក្រុមពន្លត់អគ្គិភ័យបានចុះទៅដល់ទីតាំងកើតហេតុដើម្បីធ្វើការពន្លត់ ហើយនៅវេលាម៉ោង ៦ និង ៤៥ នាទីព្រឹកថ្ងៃដដែល ភ្លើងក៏ត្រូវបានពន្លត់អស់ទាំងស្រុង។ ចំពោះមូលហេតុបង្កជាការឆាបឆេះនេះដែរ ខាងអាជ្ញាធរកំពុងស៊ើបអង្កេតនៅឡើយ៕

ប្រភព៖ Kenh14