នគរបាលស្រុកភ្នំព្រឹកឃាត់ខ្លួនបុរសចំនួន០២នាក់ក្នុងករណីគ្រឿងញៀនអនុវត្តតាមច្បាប់

កាលពីថ្ងៃទី៣ខែវិច្ឆិកាឆ្នាំ២០២៣ វេលាម៉ោង១៩ និង៣០នាទី នៅចំណុច ភូមិទួលខ្វាវ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង អនុវត្តតាម យោបល់ដឹកនាំរបស់លោក ឧត្តមសេនីយ៍ទោ សាត គឹមសាន ស្នងការនៃស្នងការដ្ឋាននគរបាលខេត្តបាត់ដំបង និងលោ ក វរសេនីយ៍ឯក សុខ និមល ស្នងការរងផែនការ ងារ ប្រឆាំងគ្រឿងញៀន លោកវរសេនីយ៍ទោ ហេង បារាំង អធិការនគរ បាលស្រុកភ្នំព្រឹក បានដឹកនាំកម្លាំងផ្នែកប្រឆាំងគ្រឿងញៀន នៃអធិការដ្ឋាននគរបាលស្រុកចុះល្បាតក្នុងភូមិសាស្រ្តខាងលើ និងបង្រ្កាបបានករណី ប្រើប្រាស់ដោយខុសច្បាប់នូវសារធាតុញៀន មួយករណី ក្នុងបទល្មើសជាក់ស្តែងដែលក្នុងកិច្ចប្រតិបត្តិការនេះបានចាប់ឃាត់ខ្លួនជនសង្ស័យបានចំនួន ០២នាក់មានឈ្មោះ អ៊ន រុន ភេទ ប្រុស អាយុ២៨ឆ្នាំ មានទីលំនៅភូមិទួលខ្វាវ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង និងឈ្មោះ ប៉ៅ ឆិត ភេទប្រុស អាយុ៣៦ឆ្នាំ រស់នៅភូមិទួលខ្វាវ ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង ។
-*វត្ថុតាំងចាប់យកបានរួមមាន៖
-ទូរស័ព្ទដៃចំនួន០១គ្រឿង។
-សម្ភារ:សម្រាប់ប្រើប្រាស់ថ្នាំញៀនមួយចំនួន។

បច្ចុប្បន្នសមត្ថកិច្ចបាននិងកំពុងរៀបចំកសាងសំ ណុំរឿង បញ្ជូនមកស្នងការដ្ឋាននគរបាលខេត្ត ចាត់ការតាមនីតិវិធី ច្បាប់៕