មនុស្សប្រុសស្រីចំនួន9នាក់ ត្រូវបានឃាត់ខ្លួន ពាក់ព័ន្ធលេងល្បែងសុីសងដោយខុសច្បាប់ ….!

ព្រះវិហារ៖ កាលពីថ្ងៃទី០២ ខែវិច្ឆិកា ឆ្នាំ២០២៣ វេលាម៉ោង ១៤ :៣០នាទី ដោយមានការចង្អុលបង្ហាញពីលោកឧត្តមសេនីយ៍ទោ ស្នងការ និងមានការសម្របសម្រួលពីលោកព្រះរាជអាជ្ញារង អមសាលាដំបូងខេត្តព្រះវិហារ កម្លាំងជំនាញការិយាល័យនគរបាលព្រហ្មទណ្ឌកម្រិតស្រាលនៃស្នងការដ្ឋាននគរបាលខេត្តព្រះវិហារ បានចុះបង្រ្កាបករណីចាត់ចែង និងបើកល្បែងស៊ីសងខុសច្បាប់ ចំនួន ០១ករណី ស្ថិតនៅដីឡូត៌ទំនេរ នៅភូមិស្រអែមខាងជើង ឃុំស្រអែម ស្រុកជាំក្សាន្ត ខេត្តព្រះវិហារ ឃាត់ខ្លួនបានមុខសញ្ញាចំនួន ០៩នាក់ ស្រី ០៤នាក់ និងដកហូតវត្ថុតាងរួមមាន៖  គ្រាប់ខ្លាឃ្លោកចំនួន ៥២គ្រាប់, ចានសម្រាប់ក្រឡុកខ្លាឃ្លោកចំនួន ០៦ចាន, មេអាប៉ោងចំនួន ០៥គ្រាប់,តេឡេបញ្ជាអាប៉ោងចំនួន ០៣, បៀរចំនួន ០២ហ៊ួរ,ទូរស័ព្ទដៃចំនួន ០៨គ្រឿង, ម៉ូតូចំនួន ០៧គ្រឿង និងសម្ភារៈបម្រើល្បែងមួយចំនួនទៀត ហើយករណីខាងលើនេះកម្លាំងជំនាញកំពុងអនុវត្តនីតិវិធី។