ត្រកូលតែមួយ ថ្ងៃកំណើតតែមួយ ឈ្មោះជាប់គ្នា បាននិទ្ទេស A ដូចគ្នា នៅខេត្តកណ្ដាល សង្ស័យបងប្អូនភ្លោះ

ក្រោយពីទន្ទឹងរង់ចាំ បន្ទាប់ពីការប្រឡងកាលពីថ្ងៃទី ៨-៩ ខែតុលា ឆ្នាំ ២០២៤ កន្លងទៅ នៅថ្ងៃទី ៣០ ខែតុលា ឆ្នាំ ២០២៤ នេះ ការប្រកាសលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ០៨ តុលា ២០២៤ នៅភូមិសាស្ត្ររាជធានីភ្នំពេញ និង ខេត្តកណ្តាល ត្រូវក្រសួងសាមីប្រកាសលទ្ធផលហើយ។

ក្នុងនោះ គេសង្កេតឃើញមានបេក្ខជនដែលជាបេក្ខភាពប្រឡងបាក់ឌុបចំនួនពីររូប នៅមណ្ឌលក្នុងខេត្តកណ្លាល មានថ្ងៃខែឆ្នាំកំណើតដូចគ្នា ត្រកូលតែមួយ ឈ្មោះជាប់គ្នា ទទួលបាននិទ្ទេស A ដូចគ្នា ដែលត្រូវបានគេសង្ស័យថាជាបងប្អូនភ្លោះ ដែលមានឈ្មោះដូចខាងក្រោម ៖

១.​ ឈ្មោះ ឈឿន ចាន់ស៊ីមួយ ភេទស្រី មកពីវិទ្យាល័យហ៊ុនសែនកោះចិន  កើតថ្ងៃទី ១៥ សីហា ២០០៧ ថ្នាក់វិទ្យាសាស្ត្រ ប្រឡងនៅមណ្ឌល វិ.សអគហស ព្រែកតាទែន ទទួលបាននិទ្ទេស A

២. ឈ្មោះ ឈឿន ចាន់ស៊ីលៀង ភេទស្រី មកពីវិទ្យាល័យហ៊ុនសែនកោះចិន កើតថ្ងៃទី ១៥ សីហា ២០០៧ ថ្នាក់វិទ្យាសាស្ត្រ ប្រឡងនៅមណ្ឌល វិ.សអគហស ព្រែកតាទែន ទទួលបាននិទ្ទេស A៕