កញ្ញា អ៊ិន លក្ខិណា ត្រូវម្ចាស់ Miss Cosmo ពេញចិត្តខ្លាំង រីឯហ្វេនវៀតណាមក៏កំពុងផ្ទុះការគាំទ្រ(វីដេអូ)

ក្រោយពី កញ្ញា អ៊ិន លក្ខិណា បានបញ្ចប់បេសកកម្មធ្វើបានយ៉ាងល្អទទួលបាន Top 10 លើឆាកអន្តរជាតិ Miss Cosmo 2024 នាងកំពុងក្លាយជាបវរកញ្ញាមួយរូបលេចធ្លោឆក់បានបេះដូងអ្នកគាំទ្រវិស័យកញ្ញាជាច្រើន ដែលស្រឡាញ់ពេញចិត្ត និង មានមោទកភាពខ្លាំងចំពោះនាង។

យ៉ាងណាមិញ បន្ទាប់ពីប្រកួតចប់ត្រឡប់មកមាតុភូមិវិញប៉ុន្មានថ្ងៃ ថ្មីៗនេះ ក៏បានឃើញបវរកញ្ញា អ៊ិន លក្ខិណា បានហោះទៅវៀតណាមវិញ ដើម្បីបំពេញការងារក្នុងនាមជាបវរកញ្ញា Top 10 នៃ Miss Cosmo 2024 ដោយបានឃើញវត្តមានរបស់នាងក្នុងកម្មវិធី Vietnam Next-Gen fashion show។

ចំពោះវត្តមានក្នុងកម្មវិធី Vietnam Next-Gen fashion show នៅវៀតណាមនោះដែរ អ៊ិន លក្ខិណា បានឆក់ការចាប់អារម្មណ៍ និង សរសើរខ្លាំងពីអ្នកគាំទ្រកម្ពុជា ជាមួយនឹងការដើរបង្ហាញម៉ូដយ៉ាងលេចធ្លោក្នុងនាមជាបវរកញ្ញានៃកម្មវិធីអន្តរជាតិម្នាក់។

លើសពីនេះ អ្វីកាន់តែចាប់អារម្មណ៍ និង ធ្វើឱ្យមហាជនខ្មែររំភើបចិត្តជំនួស អ៊ិន លក្ខិណា ពេលបានឃើញសកម្មភាពរបស់នាងក្នុងកម្មវិធី Vietnam Next-Gen fashion show មានការទទួលស្វាគមន៍យ៉ាងកក់ក្ដៅបំផុតពីម្ចាស់កម្មវិធីអន្តរជាតិ Miss Cosmo 2024 ជាពិសេសសកម្មភាពរបស់ អ៊ិន លក្ខិណា និង ម្ចាស់កម្មវិធីអន្តរជាតិរូបនេះ បានបណ្ដើរគ្នាលើកម្រាលព្រំ Red Carpet Night ទៀតផង។

មិនត្រឹមតែប៉ុណ្ណោះ បើក្រឡេកទៅចាប់អារម្មណ៍បណ្ដាគាំទ្រវិស័យបវរកញ្ញាវៀតណាមវិញ ក៏កំពុងផ្ទុះការចាប់អារម្មណ៍ស្រឡាញ់ពេញចិត្តចំពោះបវរកញ្ញាកម្ពុជា អ៊ិន លក្ខិណា មិនតិចដែរ តាមរយៈការបញ្ចេញមតិគាំទ្រលើហ្វេសប៊ុកផេករបស់នាង៕

សូមទស្សនាវីដេអូខាងក្រោម៖