សោកស្តាយ! ឯកឧត្តម ជា ចាន់តូ ទេសាភិបាលកិត្តិយសធនាគារជាតិនៃកម្ពុជា បានទទួលមរណភាព ក្នុងជន្មាយុ ៧៣ ឆ្នាំ

នៅថ្ងៃទី ២៥ ខែតុលា ឆ្នាំ ២០២៤ នេះ តាមរយៈសាច់ញាតិបានប្រាប់បណ្តាញព័ត៌មានក្នុងស្រុកមួយឱ្យបានដឹងថា លោក ជា ចាន់តូ តំណាងរាស្រ្តមណ្ឌលខេត្តកំពង់ធំ និង ជាទេសាភិបាលកិត្តិយសធនាគារជាតិនៃកម្ពុជា បានទទួលមរណភាពនៅថ្ងៃទី ២៥ ខែតុលា ឆ្នាំ ២០២៤ វេលាម៉ោង ១០៖៣៥ នាទីព្រឹក ក្នុងជន្មាយុ ៧៣ ឆ្នាំ ដោយរោគាពាធ។

តាមប្រភពបានឱ្យដឹងទៀតថា បច្ចុប្បន្នសពរបស់លោក ជា ចាន់តូ កំពុងតម្កល់ធ្វើបុណ្យតាមប្រពៃណីសាសនា នៅផ្ទះលេខ ១៣៥ ផ្លូវម៉ាស៊ីនទឹក សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ៕

ប្រភព ៖ Fresh News