ឆេះប្រទីបមួយយ៉ាងសន្ធោសន្ធៅក្នុងពិធីបុណ្យចេញវស្សា នាខេត្តណាក់ខនផានុម ប្រទេសថៃ ដែលបង្កឱ្យមានការចលាចល និង ភ្ញាក់ផ្អើលជាខ្លាំង

កាលពីថ្ងៃទី ១៨ ខែតុលា ឆ្នាំ ២០២៤ កន្លងទៅនេះ មានហេតុការណ៍ឆេះប្រទីបមួយយ៉ាងសន្ធោសន្ធៅក្នុងពិធីបុណ្យចេញវស្សា នាខេត្តណាក់ខនផានុម ប្រទេសថៃ ដែលបង្កឱ្យមានការចលាចល និង ភ្ញាក់ផ្អើលជាខ្លាំង។

តាមព័ត៌មានបានឱ្យដឹងថា ពិធីបុណ្យចេញវស្សាប្រចាំខេត្តណាក់ខនផានុមនេះ តែងតែមានប្រពៃណីបណ្តែតប្រទីបដើម្បីប្រកួតគ្នាជាប្រចាំ ប៉ុន្តែនៅក្នុងឆ្នាំនេះហាក់ដូចជាប្រទះសំណាងមិនល្អ ព្រោះមានប្រទីបមួយបានឆេះយ៉ាងសន្ធោសន្ធៅ ដោយសារតែការធ្វេសប្រហែសក្នុងការដាក់ចង្កៀងច្រើនពេក។

យ៉ាងណាមិញ ហេតុការណ៍មួយនេះមិនបានបង្កឱ្យមានអ្នករបួសនោះទេ ប៉ុន្តែគេបានឱ្យដឹងថាក្នុងការឆេះប្រទីបមួយនេះ គឺមានការខូចខាតទឹកប្រាក់ដល់ទៅជាង ២ ម៉ឺនដុល្លារឯណោះ ជាពិសេសទៀត គឺមិនបានបណ្តែតប្រកួតជាមួយប្រទីបផ្សេងៗឡើយ៕

សូមចុចទីនេះដើម្បីទស្សនាវីដេអូ៖​