កំពុងផ្ទុះខ្លាំង ពិសេសត្រង់ឃ្លា និង ចំណងជើង «ដាក់ចូលអត់បង» ចម្រៀងថ្មីរបស់ស្រីស្អាត រ៉ាប៊ី (វីដេអូ)

ជាការពិតណាស់ មហាជននិយមស្តាប់បទចម្រៀងរបស់ស្រីស្អាតតូចច្រឡឹង រ៉ាប៊ី ច្បាស់ជាបានជ្រាបហើយថា ចំណុចធ្វើឱ្យកញ្ញា រ៉ាប៊ី ឈរនៅលំដាប់ជាតារាចម្រៀងស្រីអាចបំបុកទីផ្សារសិល្បៈកាន់តែខ្លាំង ក៏ព្រោះនាងតែងនិយមចេញបទចម្រៀងបែបញាក់កន្ត្រាក់អារម្មណ៍ អមជាមួយនឹងការបញ្ចេញក្បាច់រាំយ៉ាងរស់រវើក។

ក្នុងនោះ បទចម្រៀងមួយបទៗរបស់កញ្ញា រ៉ាប៊ី ចេញមកម្តងៗសុទ្ធសឹងតែទទួលបានការចាប់អារម្មណ៍ពីចង្វាក់ភ្លេង ប៉ារ៉ូលចម្រៀង ក៏ដូចជាក្បាច់រាំ ជាពិសេសនោះ បទរបស់នាង មានការពេញនិយមចាក់រាំកម្សាន្តតាមកម្មវិធីសប្បាយៗផ្សេងៗជាច្រើន។

យ៉ាងណាមិញ ថ្មីៗនេះ កញ្ញា រ៉ាប៊ី បានបញ្ចេញបទចម្រៀងថ្មីមួយបទទៀតហើយ ដែលមានចំណងជើងថា «ដាក់ចូលអត់បង»។ បទចម្រៀងនេះ ក៏កំពុងតែផ្ទុះការចែករំលែកពេញបណ្តាញសង្គមហ្វេសប៊ុក និង Tik Tok ដែលមានអ្នកគាំទ្រយកមកលេងបន្ត និង រាំបន្តទៀតផង។

ជាការពិត ឃ្លាចម្រៀងមួយបទៗរបស់កញ្ញា រ៉ាប៊ី ស្តាប់ហើយពេលណា រំសាយអារម្មណ៍ទៅតាមបទចម្រៀង ហើយបទថ្មីនេះ ត្រង់ឃ្លា «ដាក់ចូលអត់បង» ក៏កំពុងទទួលបានការលេងលើ Tiktok ជាបន្តបន្ទាប់ផងដែរ ហើយបើបានស្តាប់បទចម្រៀងទាំងមូលទៀតនោះ កាន់តែដឹងថា មានអត្ថន័យសមហេតុសមផល៕

សូមទស្សនា វីដេអូខាងក្រោម៖