អគ្គិភ័យឆាបឆេះឃ្លាំងរថយន្ត បំផ្លាញអស់ចំនួន៦គ្រឿង នៅចំណុចអូរវែង

ខេត្តកំពង់ស្ពឺ ៖ រថយន្តស៊េរី ទំនើបចំនួន០៦គ្រឿង ត្រូវបានអគ្គិភ័យឆេះបំផ្លាញ កាលពីម៉ោងជិត០១រំលងអាធ្រាត្រ ឈានចូលថ្ងៃទី០១ ខែវិច្ឆិកា ឆ្នាំ២០២៣ ស្ថិតនៅចំណុចភូមិអូរវែង ឃុំកាហែង ស្រុកសំរោងទង ដែលមានម្ចាស់ឈ្មោះ មុយ ចាន់ណារី ភេទប្រុស អាយុ៤១ឆ្នាំ ប្រពន្ធឈ្មោះ ឪ ស្រីនោ អាយុ៣៩ឆ្នាំ រស់នៅភូមិកើតហេតុ ជាម្ចាស់ឃ្លាំងនិងម្ចាស់ទីតាំង។

អគ្គិភ័យនេះបានបំផ្លាញឃ្លាំងទំហំ២០ម ×៣៤ ម ធ្វើអំពីដែកជញ្ជាំងស័ង្កសី ដំបូលស័ង្កសី . ឆេះរថយន្ដLexus 470 ចំនួន ០១គ្រឿង។ ឆេះរថយន្ដ Ford Ranger pickup ចំនួន ០២គ្រឿង។

ឆេះរថយន្ដLand Cruiser ចំនួន ០២គ្រឿង។ ឆេះរថយន្ដដឹកទំនិញ ចំនួន ០១គ្រឿង (ឆេះមួយផ្នែកខាងស្ដាំ) និងឆេះសម្ភារៈប្រើប្រាស់ក្នុងរថយន្ដមួយចំនួនទៀត៕