អូន មែល បានបង្ហាញខ្លួនក្នុងឈុតប្រពៃណីខ្មែរ ទៅវត្តកាន់បិណ្ឌជាមួយប៉ាម៉ាក់យ៉ាងស្រស់សោភា ធ្វើឱ្យអ្នកគាំទ្រលាន់មាត់សរសើរថា ស្អាត និង សមសួនណាស់

ដូចលោកអ្នកបានជ្រាបមកហើយថា តារាចម្រៀងប្រចាំផលិតកម្មរស្មីហង្សមាស​ លោក នី រតនា មិនត្រឹមតែទទួលបានការចាប់អារម្មណ៍តែម្នាក់ឯងពីសំណាក់មហាជននោះឡើយ ពោលគឺក្រុមគ្រួសារ ភរិយា និង កូនៗរបស់លោក ក៏ត្រូវបានមហាជនចាប់ក្រសែភ្នែកមើលដូចគ្នាដែរ។

ក្រឡេកទៅមើលកូនស្រីច្បងរបស់លោក នី រតនា គឺ អូន មែល ក៏ទទួលបានការគាំទ្រមិនចាញ់លោកប៉ាដែរ ដោយនាងតូច​ ទទួលបានការពេញចិត្តស្រឡាញ់ពីសំណាក់មហាជនជាច្រើន។

ក្នុងនោះ បើមើលទៅលើផេកផ្លូវការរបស់អូន មែល ដែលមានអ្នក Like និង Follow ជាច្រើនពាន់នាក់ ក្នុងការតាមដានរាល់សកម្មភាពរបស់នាងតូច ដោយរាល់ពេលផុសរូបម្តងៗ អូនមែល ទទួលបានការចែករំលែក និង ចុច Like ជាច្រើន។

ជាក់ស្តែង ក្នុងឱកាសបុណ្យភ្ជុំបិណ្ឌឆ្នាំនេះ មិនខុសពីឆ្នាំមុនៗឡើយ អូន មែល បានបង្ហាញខ្លួនក្នុងឈុតប្រពៃណីខ្មែរ ទៅវត្តកាន់បិណ្ឌជាមួយប៉ាម៉ាក់យ៉ាងស្រស់សោភា ធ្វើឱ្យអ្នកគាំទ្រលាន់មាត់សរសើរថា ស្អាត និង សមសួនណាស់៕