ខេត្តឈៀងរ៉ៃ ប្រទេសថៃ កំពុងតែទទួលរងការវាយប្រហារយ៉ាងខ្លាំងពីគ្រោះទឹកជំនន់ ដែលប៉ះពាល់ដល់មនុស្សរាប់ពាន់គ្រួសារ និង ធ្វើឱ្យមានការខូចខាតផ្ទះសម្បែង ក៏ដូចជាហេដ្ឋារចនាសម្ព័ន្ធជាច្រើន
ថ្មីៗនេះ ខេត្តឈៀងរ៉ៃ ប្រទេសថៃ កំពុងតែទទួលរងការវាយប្រហារយ៉ាងខ្លាំងពីគ្រោះទឹកជំនន់ ដែលប៉ះពាល់ដល់មនុស្សរាប់ពាន់គ្រួសារ និង ធ្វើឱ្យមានការខូចខាតផ្ទះសម្បែង ក៏ដូចជាហេដ្ឋារចនាសម្ព័ន្ធជាច្រើន។
ក្នុងនោះសូម្បីតែទីអារាមនៅក្នុងខេត្តជាច្រើន ក៏ត្រូវបានទឹកជំនន់ពន្លិច ជាពិសេសវត្តមួយដ៏ល្បីប្រចាំខេត្ត គឺវត្ត Rong Suea Ten ជាវត្តដែលគេស្គាល់ថាមានការលាបពណ៌ទឹកប៊ិកយ៉ាងស្អាតស្រស់នោះ ក៏គេចមិនរួចពីទឹកជំនន់នោះដែរ ពោលគឺបរិវេណត្រូវបានដណ្តប់ដោយទឹកជំនន់។
តាមព័ត៌មានបានឱ្យដឹងថា កម្រិតទឹកជំនន់ក៏កាន់តែកើនឡើងមិនឈប់ ដែលធ្វើឱ្យមហាជនជាច្រើននាំគ្នាបារម្ភខ្លាចមានការប៉ះពាល់ខូចខាតទៅដល់វត្តខ្លាំងជាងនេះ ព្រោះទីនេះមិនត្រឹមតែជាទីអារាមនោះទេ តែក៏ជាកន្លែងទេសចរណ៍ដ៏ល្បីមួយប្រចាំខេត្តផងដែរ។ តាមអាជ្ញាធរក្នុងតំបន់បានឱ្យដឹងថា ខណៈពេលនេះវត្ត Rong Suea Ten បានបិទទ្វារផ្អាកមិនឱ្យមានការទស្សនា និង ការមកបន់ស្រន់អ្វីនៅក្នុងវត្តឡើយ ដោយសារវត្តបានហ៊ុមព័ទ្ធដោយទឹក៕
ប្រភព៖ Khaosod
